தமிழகத்தில் உள்ள அரசு கலை மற்றும் அறிவியல் கல்லூரிகளில் நடப்பு கல்வியாண்டிற்கான இளநிலை படிப்புகளுக்கான மாணவர் சேர்க்கை 64.83 சதவீதத்தை எட்டியுள்ளதாக கல்லூரிக் கல்வி இயக்ககம் தெரிவித்துள்ளது. மேலும், முதுநிலை மற்றும் பி.எட் படிப்புகளுக்கான விண்ணப்பப் பதிவு நிலவரங்களையும் வெளியிட்டுள்ளது.
இது குறித்து கல்லூரிக் கல்வி இயக்ககம் வெளியிட்டுள்ள முழுமையான விவரங்கள் பின்வருமாறு,
இளநிலை கலை மற்றும் அறிவியல் படிப்புகள் (UG)
தமிழகத்தில் செயல்பட்டு வரும் 181 அரசு கலை மற்றும் அறிவியல் கல்லூரிகளில், இளநிலை படிப்புகளுக்காக மொத்தம் 1,26,959 இடங்கள் உள்ளன. இதற்கான மாணவர் சேர்க்கை கலந்தாய்வு நடைபெற்று வரும் நிலையில், இதுவரை 64.83% இடங்கள் நிரப்பப்பட்டுள்ளன.
- நிரப்பப்பட்ட மொத்த இடங்கள்: 82,313
- மாணவர்கள் (Boys): 32,883 பேர்
- மாணவிகள் (Girls): 49,409 பேர்
- மூன்றாம் பாலினத்தவர்: 21 பேர், இவ்வாண்டு மாணவர்களை விட மாணவிகளே அரசு கலைக் கல்லூரிகளில் அதிக அளவில் சேர்ந்துள்ளது குறிப்பிடத்தக்கது.
முதுநிலை படிப்புகளுக்கான சேர்க்கை (PG)
அரசு கலைக் கல்லூரிகளில் முதுநிலை (PG) மாணவர் சேர்க்கைக்கான ஆன்லைன் விண்ணப்பப் பதிவு கடந்த ஜூன் 19-ஆம் தேதி தொடங்கி நடைபெற்று வருகிறது. விண்ணப்பிக்க ஜூலை 31-ஆம் தேதி கடைசி நாளாகும்.
- மொத்த கல்லூரிகள்: 110
- மொத்த இடங்கள்: 24,334
- இதுவரை பதிவு செய்தவர்கள்: 17,224 பேர், இதில், கட்டணம் செலுத்தி விண்ணப்பத்தை முழுமையாகச் சமர்ப்பித்தவர்கள்: 11,434 பேர் (நேற்று மாலை நிலவரப்படி)
பி.எட். (B.Ed) மாணவர் சேர்க்கை
இதேபோன்று, அரசு கல்வியியல் கல்லூரிகளில் பி.எட் மாணவர் சேர்க்கைக்கான விண்ணப்பப் பதிவும் ஜூன் 19 முதல் தொடங்கி விறுவிறுப்பாக நடைபெற்றுவருகிறது. இதற்கான கடைசி நாள் ஜூலை 21 ஆகும்.
- மொத்த கல்லூரிகள்: 21
- மொத்த இடங்கள்: 2,040
- இதுவரை விண்ணப்பித்தவர்கள்: 4,393 பேர்
- கட்டணம் செலுத்தியவர்கள்: 1,884 பேர்
மேற்கண்டவாறு இளநிலை, முதுநிலை மற்றும் பி.எட் படிப்புகளுக்கான சேர்க்கை நிலவரங்களைக் கல்லூரிக் கல்வி இயக்ககம் (Directorate of Collegiate Education) அதிகாரப்பூர்வமாக வெளியிட்டுள்ளது.