கர்நாடக மாநிலத்தில் 18 முதல் 25 வயதுக்குட்பட்ட 7,000-க்கும் மேற்பட்ட கல்லூரி மாணவர்களுக்கு ஹெச்.ஐ.வி (HIV) தொற்று பாதிப்பு உறுதி செய்யப்பட்டுள்ளது. தேசிய எய்ட்ஸ் கட்டுப்பாட்டு அமைப்பு (NACO) வெளியிட்ட அறிக்கையைத் தொடர்ந்து, அம்மாநில அரசு கல்லூரி வளாகங்களில் பரிசோதனை மற்றும் விழிப்புணர்வு முகாம்களை நடத்த உத்தரவிட்டுள்ளது.
NACO அறிக்கை சுட்டிக்காட்டும் நிலவரம்
தேசிய எய்ட்ஸ் கட்டுப்பாட்டு அமைப்பின் (NACO) தரவுகளின்படி, இந்தியாவில் அதிக அளவில் எச்.ஐ.வி தொற்றால் பாதிக்கப்பட்டவர்கள் வாழும் மாநிலங்களில் கர்நாடகா மூன்றாவது இடத்தில் உள்ளது.
மொத்தப் பாதிப்பு: கர்நாடகாவில் தற்போது சுமார் 2,60,000 பேர் எச்.ஐ.வி தொற்றோடு வாழ்ந்து வருகின்றனர்.
சிகிச்சை விவரம்: இதில் 2,05,000 பேர் மட்டுமே முறையான மருத்துவச் சிகிச்சையைப் பெற்று வருகின்றனர்.
அறியப்படாத பாதிப்பு: சுமார் 54,000 பேருக்கு தங்களுக்கு எச்.ஐ.வி தொற்று இருப்பதே தெரியாமல் வாழ்ந்து வருவது சுகாதாரத் துறை அதிகாரிகளிடையே பெரும் கவலையை ஏற்படுத்தியுள்ளது.
இளைஞர்கள் இடையே அதிகரிக்கும் பாதிப்பு
18 முதல் 35 வயதுக்குட்பட்ட இளைஞர்கள் மத்தியிலேயே இந்தத் தொற்று மிக வேகமாகப் பரவி வருகிறது.
அண்மையில் நடத்தப்பட்ட பரிசோதனைகளில் 18 முதல் 25 வயதுக்குட்பட்ட 7,000-க்கும் மேற்பட்ட கல்லூரி மாணவர்களுக்கு எச்.ஐ.வி பாதிப்பு இருப்பது கண்டறியப்பட்டுள்ளது பெரும் அதிர்ச்சியை ஏற்படுத்தியுள்ளது.
கர்நாடக அரசின் அதிரடி உத்தரவு
நிலைமையின் தீவிரத்தைக் கருத்தில் கொண்டு, கர்நாடக மாநில எய்ட்ஸ் தடுப்பு அமைப்பின் வழிகாட்டுதலின்படி மாநில அரசு பின்வரும் நடவடிக்கைகளை மேற்கொள்ள உத்தரவிட்டுள்ளது:
கல்லூரிகளில் சிறப்பு முகாம்கள்: அரசு, அரசு உதவிபெறும் மற்றும் சுயநிதித் தனியார் கல்லூரிகள் என அனைத்து உயர்கல்வி நிறுவனங்களிலும் எச்.ஐ.வி பரிசோதனை மற்றும் ஆலோசனைக் முகாம்களைக் கட்டாயமாக நடத்த வேண்டும்.
தனிநபர் ஒப்புதல் அவசியம்: மாணவர்களின் விருப்பம் மற்றும் முன்அனுமதி இல்லாமல் கட்டாயப் பரிசோதனைகள் எதும் மேற்கொள்ளப்பட மாட்டாது.
QR கோட் விழிப்புணர்வு: எச்.ஐ.வி மற்றும் பாதுகாப்பான நடைமுறைகள் குறித்த விழிப்புணர்வை ஏற்படுத்த மாணவர்கள் QR கோட் ஸ்கேன் செய்து தகவல்களைப் பெறும் வசதியும் அறிமுகப்படுத்தப்பட்டுள்ளது.
இளைஞர்கள் மற்றும் கல்லூரி மாணவர்களிடையே நோய்த்தொற்று பரவலைத் தடுக்கத் தேவையான முன்னெச்சரிக்கை நடவடிக்கைகளையும், சரியான விழிப்புணர்வு பிரச்சாரங்களையும் மேற்கொள்ள கல்வி நிறுவனங்களுக்கு அறிவுறுத்தப்பட்டுள்ளது.
டாஸ்மாக் முறைகேடு புகார்: முன்னாள் அமைச்சர் செந்தில் பாலாஜி முன்ஜாமீன் மனு தாக்கல்!