“எத்தனை ஆண்டுகள் சிறையில் அடைத்தாலும் ஜனநாயகத்தைக் காப்போம்!” — பாளையங்கோட்டை சிறையிலிருந்து வெளியான திமுக எம்.எல்.ஏ. மார்க்கண்டேயன் ஆவேசம்

“ஆயிரம் சிறைச்சாலைகளைச் சந்திக்க திமுக தொண்டர்கள் தயார்; சட்டமன்றத்தில் கடுமையான எதிர்வினையைத் தருவோம்!” என உறுதி!

“எத்தனை ஆண்டுகள் சிறையில் அடைத்தாலும் ஜனநாயகத்தைக் காக்க திமுக தொடர்ந்து போராடும். ஆயிரம் சிறைச்சாலைகளைச் சந்திக்க திமுக தொண்டர்கள் தயாராகவே உள்ளனர்; என்னைச் சிறையில் அடைப்பதன் மூலம் ஒடுக்கிவிட முடியாது” என்று விளாத்திகுளம் தொகுதி திமுக எம்.எல்.ஏ. ஜி.வி.மார்க்கண்டேயன் ஆவேசமாகத் தெரிவித்துள்ளார். பாளையங்கோட்டை மத்திய சிறையிலிருந்து ஜாமீனில் வெளியே வந்த பின்னர், செய்தியாளர்களைச் சந்தித்த அவர் கூறியதாவது, “என்னை சிறைப்படுத்தி ஒடுக்க முடியாது”

“அரசியல் பழிவாங்கும் நடவடிக்கையாகவே எங்கள் மீது வழக்குப் பதிவு செய்து சிறையில் அடைத்துள்ளனர். ஆனால், இதுபோன்ற ஒடுக்குமுறைகளைக் கண்டு அஞ்சி பின்வாங்கும் இயக்கம் திமுக அல்ல.ஆயிரம் சிறைச்சாலைகளைச் சந்திக்கவும் தியாகங்களைச் செய்யவும் திமுகவின் ஒவ்வொரு கடைக்கோடித் தொண்டனும் தயார் நிலையில் இருக்கிறான்.

என்னைச் சிறையில் அடைத்ததன் மூலம் என் குரலையோ, ஜனநாயகக் கடமையையோ முடக்கிவிட முடியாது.” சட்டமன்றத்தில் கடுமையான எதிர்வினை வழங்கப்படும். “வரவிருக்கும் சட்டப்பேரவைக் கூட்டத்தொடரில் அரசின் இந்த ஜனநாயக விரோத போக்கிற்கும், ஆளுங்கட்சியின் அடக்குமுறைகளுக்கும் எதிராக திமுக சார்பில் மிகக் கடுமையான எதிர்வினைகள் கொடுக்கப்படும்.

மக்கள் மன்றத்திலும் நீதிமன்றத்திலும் இந்த அநீதியைத் தொடர்ந்து எதிர்த்துப் போராடுவோம்.”  அரசியல் சூழல் காரணமாகக் கைது செய்யப்பட்டுப் பாளையங்கோட்டை சிறையில் அடைக்கப்பட்டிருந்த விளாத்திகுளம் தொகுதி எம்.எல்.ஏ. மார்க்கண்டேயன் ஜாமீனில் வெளியாகி, ஆளுங்கட்சிக்கு எதிராக அதிரடியாகப் பேசியுள்ளது தென் மாவட்ட அரசியல் களத்தில் பெரும் பரபரப்பை ஏற்படுத்தியுள்ளது.

நாளை சட்டமன்றக் கூட்டத்தொடர்: பனையூரில் தவெக எம்.எல்.ஏ.க்கள் கூட்டம் தொடக்கம்!