திருச்செந்தூர் அருகே உடன்குடி பெருமாள்புரத்தில் வசித்து வரும் பிரபல யூடியூபர் ஜி.பி. முத்து, சமூக வலைதளங்களில் அவதூறு பரப்புவதாகவும் பெண்களைப் பற்றித் தரக்குறைவாகப் பேசி வருவதாகவும் கூறி, ஊர் பொதுமக்கள் குலசேகரன்பட்டினம் காவல் நிலையத்தில் திரண்டு புகார் அளித்துள்ளனர்.
கோயில் விவகாரமும் வழக்கும்:
உடன்குடி பெருமாள்புரம் உச்சிமாகாளி அம்மன் மற்றும் பட்டறை அம்மன் கோயில் கட்டுவது தொடர்பாக ஜி.பி. முத்துவுக்கும் அப்பகுதி மக்களுக்குமிடையே பிரச்சனை இருந்து வந்தது. நீதிமன்றத் தீர்ப்பின் அடிப்படையில்தான் பொதுமக்கள் தற்போது கோயில் கட்டும் பணியை நடத்தி வருகின்றனர்.
சமூக வலைதளத்தில் அவதூறு பரப்பும் படலம்:
மாந்திரீகக் குற்றச்சாட்டு: கோயில் சிறப்பு பூஜைகளைக் குறிப்பிட்டு, ஊர் பொதுமக்கள் மாந்திரீகம் செய்வதாகக் கூறி ஜி.பி. முத்து வீடியோ வெளியிட்டு சர்ச்சையை ஏற்படுத்தியுள்ளார்.
போலிப் பிரச்சாரம்: விளம்பர வருமானத்திற்காகவே (Views) பொதுப் பாதையில் கோயில் கட்டுவதாகப் பொய் பரப்புவதாகவும், பெண்களைப் பற்றித் தரக்குறைவாகப் பேசுவதாகவும் பொதுமக்கள் குற்றம் சாட்டியுள்ளனர்.
காவல் நிலையத்தில் திரண்ட பொதுமக்கள்:
ஜி.பி. முத்துவின் நடவடிக்கையால் ஆத்திரமடைந்த நூற்றுக்கும் மேற்பட்ட பொதுமக்கள் ஆர்ப்பாட்டத்தில் ஈடுபட முயன்ற நிலையில், காவல்துறையினர் பேச்சுவார்த்தை நடத்தி அவர்களை அமைதிப்படுத்தினர்.
இதனைத் தொடர்ந்து, பொதுமக்கள் அளித் புகாரின் பேரில் திருச்செந்தூர் துணை காவல் கண்காணிப்பாளர் (DSP) மகேஷ் குமார் நேரில் விசாரணை நடத்தி, விரைவில் சட்டப்பூர்வ நடவடிக்கை எடுக்கப்படும் என உறுதியளித்துள்ளார்.