தெலங்கானா மாநிலத்தில் நள்ளிரவில் கட்டுப்பாட்டை இழந்த கார் சாலையோர திறந்தவெளி விவசாயக் கிணற்றில் பாய்ந்த விபத்தில், தம்பதியினர் மற்றும் அவர்களது இரு சிறு குழந்தைகள் நீரில் மூழ்கி பரிதாபமாக உயிரிழந்தனர்.
சம்பவத்தின் பின்னணி
தெலங்கானா மாநிலம் சித்திபேட்டை மாவட்டம் பாலவந்தாபூர் கிராமத்தைச் சேர்ந்தவர் டி. ராஜ் (35). இவர் தனது மனைவி பாக்யா (22), மகன்கள் நியாஞ்ச் (5) மற்றும் ஷான்விகா (3) ஆகியோருடன் சித்திபேட்டையிலிருந்து சொந்த கிராமத்திற்குத் காரில் சென்று கொண்டிருந்தார்.
புதன்கிழமை நள்ளிரவு நேரத்தில், கார் துப்பக்கா மண்டலம் அப்பனபள்ளி கிராமத்தின் அருகே சென்றபோது, எதிர்பாராதவிதமாகக் காரை ஓட்டிச் சென்ற ராஜின் கட்டுப்பாட்டை இழந்து, சாலையோரத்தில் இருந்த திறந்தவெளி விவசாயக் கிணற்றுக்குள் பாய்ந்தது.
4 பேர் பரிதாப பலி
கார் கிணற்றுக்குள் மூழ்கியதில், காரில் இருந்த ராஜ், அவரது மனைவி பாக்யா மற்றும் இரண்டு பச்சிளம் குழந்தைகள் என ஒரே குடும்பத்தைச் சேர்ந்த 4 பேரும் சம்பவ இடத்திலேயே நீரில் மூழ்கி உயிரிழந்தனர்.
போலீசார் விசாரணை
சம்பவம் குறித்துத் தகவல் அறிந்த காவல்துறையினர் உடனடியாக இடத்திற்கு விரைந்து வந்தனர். கிரேன் உதவியுடன் கிணற்றில் மூழ்கிய காரையும், அதில் இருந்த 4 பேரின் சடலங்களையும் மீட்டனர்.
சடலங்களைப் பிரேத பரிசோதனைக்காக அரசு மருத்துவமனைக்கு அனுப்பி வைத்த போலீசார், விபத்து குறித்து வழக்குப் பதிவு செய்து தீவிர விசாரணை மேற்கொண்டு வருகின்றனர்.