தமிழக அரசின் மிக முக்கியமான திட்டங்களில் ஒன்றான ‘தாய்மாமன் தங்க மோதிரம்’ திட்டம் தொடங்கும் தேதி தள்ளிவைக்கப்பட்டுள்ளதாக மருத்துவம் மற்றும் மக்கள் நல்வாழ்வுத்துறை அமைச்சர் அருண்ராஜ் தெரிவித்துள்ளார்.
தேதி மாற்றத்திற்கான காரணம்:
தொழில் முதலீடுகளை ஈர்ப்பதற்காக முதலமைச்சர் ஜோசப் விஜய் அவர்கள் நாளை (செப்டம்பர் 10) லண்டன் பயணம் மேற்கொள்ளவுள்ளார்.
லண்டன் பயணத்தை முடித்துக் கொண்டு அவர் செப்டம்பர் 16-ஆம் தேதி இரவுதான் தமிழகம் திரும்புகிறார். இதன் காரணமாக, ஏற்கனவே திட்டமிடப்பட்டிருந்த செப்டம்பர் 15-ஆம் தேதிக்கு பதிலாக இத்திட்டம் ஒத்தி வைக்கப்பட்டுள்ளது.
புதிய தேதி மற்றும் இடம்:
முதலமைச்சரின் லண்டன் பயணத்தை முன்னிட்டு இத்திட்டம் வரும் செப்டம்பர் 25-ஆம் தேதி மதுரை மாவட்டம் உசிலம்பட்டியில் முதலமைச்சர் விஜய்யால் முறைப்படி தொடங்கி வைக்கப்படவுள்ளது.
திட்டத்தின் சிறப்பும்சங்கள்:
முதலமைச்சர் விஜய்யின் பிறந்தநாளான கடந்த ஜூன் 22-ஆம் தேதி முதல் அரசு மருத்துவமனைகளில் பிறக்கும் குழந்தைகள் மற்றும் தாயைக் கௌரவிக்கும் வகையில், ஒவ்வொரு குழந்தைக்கும் 1 கிராம் தங்க மோதிரம் வழங்கும் ‘தாய்மாமன் தங்க மோதிரம் திட்டம்’ செயல்படுத்தப்பட்டு வருகிறது என்பது குறிப்பிடத்தக்கது.
இத்திட்டத்தின் தொடக்க விழாவிற்கான முதற்கட்ட ஏற்பாடுகளைச் சுகாதாரத் துறை அதிகாரிகள் தீவிரமாக மேற்கொண்டு வருகின்றனர்.
தொழில் முதலீடுகளை ஈர்க்க முதலமைச்சர் ஜோசப் விஜய் நாளை இரவு லண்டன் பயணம்!