பொன்னேரி அருகே ஆண்டார்மடம் கிராமச் சாலையில் புதிதாகத் திறக்கப்பட்டுள்ள டாஸ்மாக் கடையை உடனடியாக மூட வலியுறுத்தி கிராம மக்கள் பொன்னேரி கோட்டாட்சியர் அலுவலகத்தை முற்றுகையிட்டு அதிகாரிகளிடம் முறையீட்டு மனு அளித்தனர்.
சம்பவத்தின் பின்னணி
திருவள்ளூர் மாவட்டம் பழவேற்காட்டில் செயல்பட்டு வந்த டாஸ்மாக் கடை, சதுப்பு நிலப் பகுதியில் அமைக்கப்பட்டிருந்ததாக எழுந்த புகாரைத் தொடர்ந்து அங்கிருந்து இடமாற்றம் செய்யப்பட்டது.
புதிய இடம் தேர்வு: அந்த டாஸ்மாக் கடை தற்போது ஆண்டார்மடம் கிராமத்திற்குச் செல்லும் பிரதான சாலையில் புதிதாகத் திறக்கப்பட்டுள்ளது.
கிராம மக்கள் எதிர்ப்பு: குடியிருப்பு மற்றும் கல்வி நிறுவனங்கள் செல்லும் பகுதியில் டாஸ்மாக் கடை அமைக்கப் பட்டதற்குப் அப்பகுதி மக்கள் ஆரம்ப முதலே கடும் எதிர்ப்பு தெரிவித்து வந்தனர்.
கோட்டாட்சியர் அலுவலகத்தில் மனு & சமரசப் பேச்சுவார்த்தை
கடை திறக்கப்பட்டதைக் கண்டித்து கிராம மக்கள் இன்று கண்டன ஆர்ப்பாட்டம் நடத்த திட்டமிட்டிருந்த நிலையில், அதிகாரிகள் பேச்சுவார்த்தை நடத்தி கோட்டாட்சியர் அலுவலகத்திற்கு அழைத்தனர்.
சார் ஆட்சியரிடம் புகார்: பொன்னேரி பொறுப்பு சார் ஆட்சியர் முருகவேலை நேரில் சந்தித்த ஆண்டார்மடம் கிராம மக்கள், கடையை உடனடியாக அகற்றக் கோரி மனு அளித்தனர்.
பாதுகாப்பு அச்சம்: பள்ளி, கல்லூரி மாணவிகள் மற்றும் வேலைக்குச் செல்லும் பெண்கள் இந்தச் சாலையையே தினமும் பயன்படுத்தி வருகின்றனர்.
இங்கு மதுக்கடை அமைந்தால் வழிப்பறி, சங்கிலி பறிப்பு மற்றும் பாலியல் தொல்லைகள் போன்ற குற்றச் சம்பவங்கள் அதிகரிக்க வாய்ப்புள்ளது” என மக்கள் கவலை தெரிவித்தனர்.
அதிகாரிகளின் உத்தரவாதம் & மக்களின் எச்சரிக்கை
மனுவைப் பெற்றுக்கொண்ட சார் ஆட்சியர் முருகவேல், டாஸ்மாக் உயர் அதிகாரிகளுடன் கலந்தாலோசித்து 1 வாரத்திற்குள் உரிய நடவடிக்கை எடுக்கப்படும் என உறுதி அளித்தார்.
சார் ஆட்சியரின் உத்தரவாதத்தைத் தொடர்ந்து கலைந்து சென்ற மக்கள்:
அதிகாரிகள் அளித்த வாக்குறுதிப்படி 1 வாரத்திற்குள் இந்த டாஸ்மாக் கடையை அப்புறப்படுத்தாவிட்டால், பொதுமக்கள் அனைவரையும் திரட்டி மிகப்பெரிய அளவிலான சாலை மறியல் மற்றும் போராட்டங்களில் ஈடுபடுவோம். என எச்சரிக்கை விடுத்துச் சென்றனர்.