சென்னை அம்பத்தூரில் மாயமான 5 வடமாநில சிறுவர்கள், ஆந்திர மாநிலம் குண்டூர் அருகே ரயிலில் மீட்கப்பட்டுள்ளனர்.
பெற்றோர் அளித்த புகாரின் அடிப்படையில் காவல்துறையினர் மேற்கொண்ட விசாரணையில் சிறுவர்கள் கண்டுபிடிக்கப்பட்டுள்ளனர்.
சிசிடிவி காட்சிகள் மூலம் விசாரணை
சிறுவர்கள் மாயமானது குறித்து பெற்றோர் காவல்துறையிடம் புகார் அளித்தனர். இதையடுத்து, காவல்துறையினர் அப்பகுதியில் உள்ள சிசிடிவி காட்சிகளை ஆய்வு செய்து சிறுவர்களைத் தேடும் பணியில் ஈடுபட்டனர்.
தொடர்ந்து, ரயில்வே பாதுகாப்புப் படையினரின் உதவியுடன் ஆந்திர மாநிலம் குண்டூர் அருகே ரயிலில் பயணம் செய்துகொண்டிருந்த 5 சிறுவர்களையும் மீட்டனர்.
சொந்த ஊருக்குச் செல்ல முயன்றதாகத் தகவல்
தமிழ் படிப்பதில் விருப்பமில்லாததால், தங்களது சொந்த ஊருக்குச் செல்ல முயன்றதாகச் சிறுவர்கள் குறித்து தகவல் வெளியாகியுள்ளது.
சிறுவர்கள் எதற்காகச் சென்றனர் என்பது தொடர்பாக விசாரணை நடைபெற்று வருகிறது.
சென்னையில் கனமழை முன்னெச்சரிக்கை: மணலி மண்டலத்துக்கு தனி கட்டுப்பாட்டு அறை – உதவி எண் அறிவிப்பு!