வருமானத்திற்கு அதிகமாகச் சொத்து சேர்த்ததாகத் தொடரப்பட்ட வழக்கின் விசாரணைக்கு நேரில் ஆஜராகாவிட்டால், வழங்கப்பட்டுள்ள ஜாமீன் ரத்து செய்யப்படும் என அதிமுக முன்னாள் சட்டமன்ற உறுப்பினர் தி.நகர் சத்யா மற்றும் அவரது மனைவி ஜெயசித்ரா ஆகியோருக்கு சென்னை சிறப்பு நீதிமன்றம் எச்சரிக்கை விடுத்துள்ளது.
ரூ.9.41 கோடி சொத்துக்குவித்ததாக வழக்கு!
அதிமுக முன்னாள் எம்எல்ஏ தி.நகர் சத்யா மற்றும் அவரது மனைவி ஜெயசித்ரா ஆகியோர் வருமானத்திற்கு அதிகமாக ரூ.9.41 கோடி மதிப்பிலான சொத்துகளைச் சேர்த்ததாக லஞ்ச ஒழிப்புத் துறை வழக்குப் பதிவு செய்துள்ளது. இந்த வழக்கில் இருந்து தங்களை விடுவிக்கக் கோரி சத்யாவும், அவரது மனைவி ஜெயசித்ராவும் தனித்தனியாக சென்னை சிறப்பு நீதிமன்றத்தில் மனுக்களைத் தாக்கல் செய்துள்ளனர்.
இருவரும் ஆஜராக வேண்டும் – நீதிபதி உத்தரவு!
இந்த மனுக்கள் விசாரணைக்கு வந்தபோது, இருவரில் ஒருவர் மட்டுமே நீதிமன்றத்தில் ஆஜராகி மற்றொருவர் ஆஜராகாமல் இருந்தால், வழக்கில் எப்படி வாதங்களைத் தொடங்க முடியும் என நீதிபதி லோகேஸ்வரன் கேள்வி எழுப்பினார்.
மேலும், வழக்கு விசாரணைக்கு இருவரும் நேரில் ஆஜராக வேண்டியதன் அவசியத்தைச் சுட்டிக்காட்டிய நீதிபதி, வரும் நவம்பர் 16ஆம் தேதி தி.நகர் சத்யா மற்றும் அவரது மனைவி ஜெயசித்ரா ஆகிய இருவரும் நேரில் ஆஜராக உத்தரவிட்டார்.
அன்றைய தினம் விசாரணைக்கு ஆஜராகத் தவறினால், அவர்களுக்கு வழங்கப்பட்டுள்ள ஜாமீன் ரத்து செய்யப்படும் என்றும் நீதிமன்றம் எச்சரித்துள்ளது. இந்த உத்தரவு அரசியல் வட்டாரத்தில் கவனத்தைப் பெற்றுள்ளது.
தமிழகத்தில் சட்டம்-ஒழுங்கு முற்றிலும் சீர்குலைந்துவிட்டது – எடப்பாடி பழனிசாமி குற்றச்சாட்டு!