சூர்யாவின் நடிப்பில் உருவாகி வரும் கங்குவா திரைப்படத்தின் கிளிம்ப்ஸ் வீடியோ வெளியாகும் தேதி அறிவிக்கப்பட்டுள்ளது.
நடிகர் சூர்யா நடிப்பில் தற்போது உருவாகி வரும் திரைப்படம் கங்குவா. இந்த படத்தை இயக்குனர் சிறுத்தை சிவா இயக்கி வருகிறார். இந்தப் படத்தை ஸ்டுடியோ கிரீன் நிறுவனத்தின் கீழ் ஞானவேல் ராஜா தயாரிக்க தேவி ஸ்ரீ பிரசாத் இசையமைக்கிறார். இதில் சூர்யாவுடன் இணைந்து திஷா பதானி, யோகி பாபு கோவை சரளா மற்றும் பலர் நடிக்கின்றனர்.
இந்த படம் மிகப்பிரமாண்டமாகவும் மிகுந்த எதிர்பார்ப்புகளுடனும் உருவாகி வருகிறது. இது சுமார் 300 கோடி ரூபாய் பொருட்ச அளவில் 3D அனிமேஷன் தொழில்நுட்பத்தில் ஒரு வரலாற்று சரித்திர திரைப்படமாக தயாராகி வருகிறது. இந்த படத்தின் படப்பிடிப்புகள் சென்னை மற்றும் கொடைக்கானல் பகுதிகளில் நடைபெற்று வந்த நிலையில் கொடைக்கானல் படப்பிடிப்புகள் நிறைவடைந்துள்ளதாக சமீபத்தில் செய்திகள் வெளியானது. அதைத்தொடர்ந்து இன்று இந்த படத்தின் கிளிம்ப்ஸ் அனௌன்ஸ்மென்ட் வெளியாகி உள்ளது.
அதன்படி மிகவும் எதிர்பார்க்கப்படும் கங்குவார் திரைப்படத்தின் கிளிம்ப்ஸ் வீடியோ வருகின்ற ஜூலை 23 ஆம் தேதி வெளியாகும் என்று படக்குழுவினர் போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளனர். இந்த தகவல் ஆனது காத்திருக்கும் ரசிகர்களுக்கு இன்ப அதிர்ச்சியை கொடுத்துள்ளது.