Homeசெய்திகள்சினிமாரசிகர்களுடன் சேர்ந்து தனுஷின் 'ஓ.ம்' படம் பார்த்த சாய் அபியங்கர் - ஸ்ரீலீலா.... வைரலாகும் வீடியோ!

ரசிகர்களுடன் சேர்ந்து தனுஷின் ‘ஓ.ம்’ படம் பார்த்த சாய் அபியங்கர் – ஸ்ரீலீலா…. வைரலாகும் வீடியோ!

-

- Advertisement -

சாய் அபியங்கர் – ஸ்ரீலீலா ஆகிய இருவரும் இணைந்து தனுஷின் ஓ.ம் படத்தை ரசிகர்களுடன் இணைந்து கண்டுகளித்தனர்.ரசிகர்களுடன் சேர்ந்து தனுஷின் 'ஓ.ம்' படம் பார்த்த சாய் அபியங்கர் - ஸ்ரீலீலா.... வைரலாகும் வீடியோ!!

‘அமரன்’ படத்தின் மாபெரும் வெற்றிக்குப் பிறகு இயக்குநர் ராஜ்குமார் பெரியசாமி இயக்கத்தில் உருவாகியிருந்த திரைப்படம் ‘ஓ.ம்’ (O.M). தனுஷின் 55-வது படமாக உருவாகியுள்ள இப்படத்தில் தனுஷுடன் இணைந்து மம்மூட்டி, சாய் பல்லவி, ஸ்ரீலீலா மற்றும் பலர் நடித்துள்ளனர். இதில் நடித்துள்ள அனைவருக்குமே வலுவான கதாபாத்திரங்கள் கொடுக்கப்பட்டுள்ளன. இப்படத்தை உண்டர்பார் ஃபிலிம்ஸ் நிறுவனம் தயாரித்துள்ளதுடன், சாய் அபியங்கர் இசையமைத்துள்ளார்.
இந்த திரைப்படம் இன்று (நவம்பர் 20) திரையரங்குகளில் வெளியாகியுள்ள நிலையில், படத்தில் பல ‘கூஸ்பம்ப்ஸ்’ தருணங்கள் இருப்பதாகவும், தனுஷ், மம்மூட்டி, சாய் பல்லவி ஆகிய அனைவரும் சிறப்பான நடிப்பை வெளிப்படுத்தியுள்ளதாகவும் பலரும் தங்களின் கருத்துகளை தெரிவித்து வருகின்றனர்.

இந்நிலையில், இப்படத்திற்கு இசையமைத்துள்ள சாய் அபியங்கரும், படத்தில் தனுஷுக்கு ஜோடியாக நடித்துள்ள ஸ்ரீலீலாவும் ரசிகர்களுடன் சேர்ந்து ‘ஓ.ம்’ படத்தின் முதல் நாள் முதல் காட்சியைப் பார்க்க வந்துள்ளனர். அப்போது திரையரங்கில் கூடியிருந்த ரசிகர்கள் உற்சாகத்துடன் விசில் அடித்து ஆரவாரம் செய்தனர். அவர்களைப் பார்த்து சாய் அபியங்கரும் ஸ்ரீலீலாவும் கை அசைத்து தங்களது அன்பை வெளிப்படுத்தியதோடு, ரசிகர்களுடன் புகைப்படங்களும் எடுத்துக் கொண்டனர். இது தொடர்பான வீடியோ தற்போது இணையதளத்தில் வைரலாகி வருகிறது.

 

MUST READ