சூர்யா தற்போது சிறுத்தை சிவா இயக்கத்தில் கங்குவா திரைப்படத்தில் நடித்து வருகிறார். இந்த படத்தின் படப்பிடிப்புகள் தற்போது விறுவிறுப்பாக நடைபெற்று வருகிறது. இதைத்தொடர்ந்து சூர்யா வெற்றிமாறன் இயக்கத்தில் வாடிவாசல் திரைப்படத்தில் நடிக்க இருப்பதாக கூறப்படுகிறது.
இதற்கிடையில் சூர்யா, சூரரைப் போற்று படத்திற்கு பிறகு சுதா கொங்கரா இயக்கத்தில் தனது 43வது படத்தில் நடிக்க இருக்கிறார். ஜிவி பிரகாஷ் இதற்கு இசை அமைக்க உள்ளார். இது குறித்து அறிவிப்புகள் ஏற்கனவே வெளியாகி இருந்தது. மேலும் இவர்களின் கூட்டணியில் துல்கர் சல்மான் இணைய உள்ளதாகவும் கூறப்பட்டது அதாவது சூர்யாவிற்கு வில்லனாக துல்கர் சல்மான் நடிக்க இருப்பதாக கூறப்பட்டது. அதை தொடர்ந்து சூர்யா 43 படத்தின் கதாநாயகியாக அதிதி சங்கர் நடிக்க உள்ளார் என்று பல செய்திகள் சமூக வலைதளங்களில் பரவி வந்தது.
ஆனால் தற்போது நடிகை நஸ்ரியா சூர்யா 43 படத்தில் இணைய உள்ளதாக நம்பத் தகுந்த வட்டாரங்கள் தெரிவிக்கின்றன. எனினும் இது சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது.