தற்போது சமீப காலமாக இசை நிகழ்ச்சிகள் நடத்துவது அதிகமாகி வருகிறது. இந்த இசை நிகழ்ச்சிகளுக்கெல்லாம் முன்னோடியாக திகழ்பவர் நம்ம இசைப்புயல் ஏஆர் ரகுமான்.
அவருடைய இசைக்கச்சேரி நடைபெறுகிறது என்றாலே அடுத்த நொடியே ஆயிரக்கணக்கான டிக்கெட்டுகள் உடனே விட்டு தீர்ந்துவிடும். இந்நிலையில் சமீபமாக ஏஆர் ரகுமான் நடத்திய இசை நிகழ்ச்சி சரியாக ஒருங்கிணைக்கபடாததாக தொடர்ந்து குற்றச்சாட்டுகள் எழுந்து வருகின்றன.
கடந்த ஞாயிற்றுக்கிழமை சென்னையில் ஏஆர் ரகுமான் இசை நிகழ்ச்சி நடந்த போது நிகழ்ச்சியை நடத்தியவர்கள் கொள்ளளவுக்கு மீறி அதிக டிக்கெட்டுகளை விற்றுத் தள்ளியுள்ளனர். இதனால் அதிக காசு கொடுத்து டிக்கெட் எடுத்தவர்கள் உள்ளே போக முடியாத நிலை. கடும் போக்குவரத்துக்கு நெரிசல். அனைவரும் கொந்தளிப்பில் இருக்கின்றனர்.
நேற்றிலிருந்து ஏஆர் ரகுமானை வறுத்தெடுத்து வருகின்றனர். இந்நிலையில் சக இசையமைப்பாளராக யுவன் ஷங்கர் ராஜா, ஏஆர் ரகுமானுக்கு ஆதரவு தெரிவித்துள்ளார்.
அவர் வெளியிட்டுள்ள அறிக்கை பின்வருமாறு:
“ஒரு இசை நிகழ்ச்சி நடத்துவது என்பது அரங்கம் அமைப்பது, வழி உருவாக்குவது, மற்றும் கூட்டத்தை கட்டுப்படுத்துவது முதல் போக்குவரத்து மேலாண்மை வரை பல பரபரப்பான பகுதிகளை உள்ளடக்கிய மிகவும் சிக்கலான பணி. துரதிர்ஷ்டவசமாக, அமைப்பாளர்கள் பக்க தவறுகள் உட்பட பல காரணங்களால், கூட்ட நெரிசல் மற்றும் பிற எதிர்பாராத சிக்கல்கள் இதுபோன்ற அளவிலான கச்சேரிகளின் போது நடந்துள்ளன.
எங்கள் இசையை ரசிக்கும் அன்பு ரசிகர்களுக்காக சிறந்த நோக்கத்துடன் நடத்தப்படும் நிகழ்ச்சிகள் சில துரசதிருஷ்டவசமான சம்பவங்களால் கடுமையான மன உளைச்சலை ஏற்படுத்தும்.
நிகழ்ச்சி தயாரிப்பாளர்கள் மற்றும் ஏற்பாட்டாளர்கள் இந்த சம்பவத்தைப் பற்றி சிந்திப்பது முக்கியம், கலைஞர்கள் என்ற முறையில், நாங்கள் இந்த தயாரிப்பாளர்கள் மீது நம்பிக்கை வைக்கிறோம், எல்லாமே சீராக நடக்கவும், நாங்கள் மேடையில் இருக்கும்போது எங்கள் ரசிகர்கள் எங்களை ரசிக்க வேண்டும்.
இதுபோன்ற ஒரு சூழ்நிலை வெளிவருவதைக் காண்பது உண்மையிலேயே வருத்தமளிக்கிறது, மேலும் திட்டமிடல் மற்றும் பாதுகாப்பில் நான் உட்பட கலைஞர்கள் ஒரு தீவிரமான பங்கை எடுக்குமாறு கேட்டுக்கொள்கிறேன்.
ஒரு சக இசையமைப்பாளர் என்ற முறையில், துரதிர்ஷ்டவசமான நிகழ்வுகளைக் கருத்தில் கொண்டு, ஏ.ஆர்.ரஹ்மானுக்கு ஆதரவாக நிற்கிறேன்.
பாடங்கள் கற்றுக் கொள்ளப்படும், மேம்பாடுகள் செய்யப்படுகின்றன, மேலும் எதிர்கால நிகழ்வுகள் ரசிகர்களின், குறிப்பாக பெண்கள், குழந்தைகள் மற்றும் முதியோர்களின் பாதுகாப்பு மற்றும் வசதிக்காக மிகுந்த கவனத்துடனும், அக்கறையுடனும் செயல்படுத்தப்படுவதை நிகழ்வு ஏற்பாட்டாளர்கள் உறுதி செய்வார்கள் என்று நம்புவோம்.” என்று தெரிவித்துள்ளார்.