நடிகர் மனோஜ் பாரதிராஜாவின் மறைவிற்கு முதல்வர் மு.க. ஸ்டாலின் இரங்கல் தெரிவித்துள்ளார்.
இயக்குனர் இமயம் என்று அனைவராலும் அழைக்கப்படுபவர் பாரதிராஜா. இவருடைய மகன்தான் மனோஜ் என்பது அனைவரும் அறிந்ததே. இவர் கடந்த 1999 ஆம் ஆண்டு பாரதிராஜா இயக்கத்தில் வெளியான தாஜ்மஹால் திரைப்படத்தின் மூலம் கதாநாயகனாக அறிமுகமானார். அதைத் தொடர்ந்து இவர் சமுத்திரம், அல்லி அர்ஜுனா, கடல் பூக்கள், வருஷமெல்லாம் வசந்தம் போன்ற படங்களில் நடித்திருக்கிறார். அதாவது மனோஜ் பாரதிராஜாவை எப்படியாவது நட்சத்திர நடிகரக்கி விட வேண்டும் என்பதுதான் பாரதிராஜாவின் கனவாக இருந்தது. இருப்பினும் மனோஜ் நடித்திருந்த வருஷமெல்லாம் வசந்தம், சமுத்திரம் ஆகிய படங்களை தவிர மற்ற படங்கள் எதிர்பார்த்து வெற்றியை பெறவில்லை. இருப்பினும் கிட்டத்தட்ட 10 படங்களுக்கு மேல் நடித்திருந்த மனோஜ், மார்கழி திங்கள் எனும் திரைப்படத்தை இயக்கி, இயக்குனராக உருவெடுத்தார். 
கிராமத்துக் கதைக்களத்தில் வெளியான இந்த படம் ரசிகர்கள் மத்தியில் நல்ல வரவேற்பை பெற்றது. எனவே மனோஜ் வருங்காலத்தில் அடுத்தடுத்த படங்களை இயக்குவார் என்று எதிர்பார்க்கப்பட்ட நிலையில் தனது 48வது வயதில் இன்று (மார்ச் 25) மாரடைப்பால் உயிரிழந்துள்ளார். இவருடைய மறைவு பலருக்கும் அதிர்ச்சியை ஏற்படுத்தி உள்ளது. மேலும் முதல்வர் மு.க. ஸ்டாலின் உள்ளிட்ட பிரபலங்கள் மனோஜ் பாரதிராஜாவின் மறைவிற்கு தங்களின் இரங்கலை தெரிவித்து வருகின்றனர். தனது இரங்கலை தெரிவித்துள்ளார். அதன்படி தனது சமூக வலைதள பக்கத்தில் மனோஜ் பாரதிராஜாவின் புகைப்படம் ஒன்றை பகிர்ந்து, “நடிகரும் இயக்குனருமான பாரதிராஜா அவர்களின் மகனுமான திரு. மனோஜ் பாரதி அவர்கள் மறைந்த செய்தி அறிந்து மிகவும் வருத்தமுற்றேன்.
நடிகரும் இயக்குநர் பாரதிராஜா அவர்களின் மகனுமான திரு. மனோஜ் பாரதி அவர்கள் மறைந்த செய்தி அறிந்து மிகவும் வருத்தமுற்றேன்.
தனது தந்தையின் இயக்கத்தில் தாஜ்மகால் திரைப்படம் மூலம் அறிமுகமாகி, சமுத்திரம், அல்லி அர்ஜுனா, வருஷமெல்லாம் வசந்தம் எனத் தொடர்ந்து பல திரைப்படங்களில் நடித்து… pic.twitter.com/KFnwUPM3tQ
— M.K.Stalin (@mkstalin) March 25, 2025
தனது தந்தையின் இயக்கத்தில் தாஜ்மஹால் திரைப்படத்தின் மூலம் அறிமுகமாகி, சமுத்திரம், அல்லி அர்ஜுனா, வருஷமெல்லாம் வசந்தம் என தொடர்ந்து பல திரைப்படங்களில் நடித்த தனக்கென அடையாளத்தை உருவாக்கிக் கொண்டவர் திரு. மனோஜ் அவர்கள். இயக்கம் உள்ளிட்ட துறைகளிலும் முயன்று பார்த்தவர் மனோஜ். இளம் வயதில் அவர் எதிர்பாராத விதமாக மறைந்து விட்டது மிகுந்த அதிர்ச்சி அளிக்கிறது. அன்பு மகனை இழந்து வாடும் இயக்குனர் இமயம் பாரதிராஜா அவர்களுக்கும், அவருடைய குடும்பத்தினருக்கும், திரைத்துறையைச் சேர்ந்த நண்பர்களுக்கும் என்னுடைய ஆழ்ந்த இரங்கலையும் ஆறுதல்களையும் தெரிவித்துக் கொள்கிறேன்” என்று குறிப்பிட்டு பதிவு ஒன்றினை வெளியிட்டுள்ளார்.