ரசிகர்கள் எதிர்பார்த்த கவின் நடிக்கும் கிஸ் பட டிரைலர் வெளியாகி உள்ளது.
சின்னத்திரையில் ‘சரவணன் மீனாட்சி’ என்ற தொடரின் மூலம் ஏராளமான ரசிகர்களை சேகரித்து வைத்த கவின் தமிழ் சினிமாவில் ‘நட்புன்னா என்னன்னு தெரியுமா’ என்ற படத்தின் மூலம் கதாநாயகனாக அறிமுகமானார். அதன் பின்னர் ‘லிஃப்ட்’, ‘டாடா’ ஆகிய வெற்றி படங்களை கொடுத்து தன்னுடைய கேரியரை அடுத்த கட்டத்திற்கு நகரத்தினார். அதன் பிறகு கவினுக்கு பட வாய்ப்புகள் குவிய, அடுத்தடுத்த படங்களில் பிஸியாக நடித்து வருகிறார். அந்த வகையில் ஏற்கனவே வெற்றிமாறன் தயாரிப்பில் உருவாகும் ‘மாஸ்க்’ படத்தையும், விஷ்ணு எடாவன் இயக்கத்தில் உருவாகும் புதிய படத்தையும் கைவசம் வைத்துள்ளார். இதற்கிடையில் இவர், நடன இயக்குனர் சதீஷ் இயக்கத்தில் ‘கிஸ்’ எனும் திரைப்படத்தில் நடித்திருக்கிறார். இந்த படத்தில் கவினுடன் இணைந்து ப்ரீத்தி அஸ்ராணி, பிரபு, தேவயானி மற்றும் பலர் நடித்துள்ளனர். ரோமியோ பிச்சர்ஸ் நிறுவனம் இந்த படத்தை தயாரிக்க ஜென் மார்ட்டின் இசையமைத்துள்ளார். ஹரிஷ் கண்ணன் ஒளிப்பதிவாளராக பணியாற்றியுள்ளார்.
ரொமான்டிக் காதல் கதைக்களத்தில் உருவாகியுள்ள இப்படம் வருகின்ற செப்டம்பர் 19ஆம் தேதி திரைக்கு வர இருக்கிறது. அதன்படி ஏற்கனவே படப்பிடிப்புகள் நிறைவடைந்து படத்திலிருந்து டீசர், பாடல்கள் என அடுத்தடுத்து வெளியாகி ரசிகர்களை கவர்ந்துள்ளது. இந்நிலையில் இந்த படத்தின் டிரைலரையும் படக்குழு வெளியிட்டுள்ளது. காதலிப்பவர்களையும், கிஸ் என்பதையும் மையமாக வைத்து எடுக்கப்பட்டிருக்கும் இந்த படத்தின் டிரைலர் ரசிகர்கள் மத்தியில் நல்ல வரவேற்பை பெற்று இணையத்திலும் வைரலாகி வருகிறது. மேலும் டிரைலரை பார்க்கும்போது இந்த படம் கவினுக்கு வெற்றி படமாக அமையும் என எதிர்பார்க்கப்படுகிறது.