திருவண்ணாமலையில் உலகப் புகழ்பெற்ற அண்ணாமலையார் கோயிலில் ஒவ்வொரு மாதமும் பௌர்ணமி தினத்தன்று லட்சக்கணக்கான பக்தர்கள் கிரிவலம் செல்வது வழக்கம். தமிழகத்தின் பல்வேறு மாவட்டங்கள் மட்டுமின்றி, அண்டை மாநிலங்களில் இருந்தும் லட்சக்கணக்கான பக்தர்கள் இந்த கிரிவலத்தில் கலந்து கொள்வார்கள்.
இந்நிலையில், வரும் 29-ஆம் தேதி வரவிருக்கும் பௌர்ணமி கிரிவலத்தை முன்னிட்டு பக்தர்களின் வசதிக்காகவும், கூட்ட நெரிசலைத் தவிர்க்கவும் திருவண்ணாமலை – விழுப்புரம் இடையே சிறப்பு ரயில் இயக்கப்படும் என்று தெற்கு ரயில்வே அதிகாரப்பூர்வமாக அறிவித்துள்ளது.
ரயில் இயக்கப்படும் நேரங்கள்:
விழுப்புரம் – திருவண்ணாமலை: ஜூலை 29 அன்று காலை 10.10 மணிக்கு விழுப்புரத்தில் இருந்து புறப்படும் இந்த சிறப்பு ரயில், முற்பகல் 11.45 மணிக்கு திருவண்ணாமலையை வந்தடையும்.
திருவண்ணாமலை – விழுப்புரம்: மறுமார்க்கத்தில், அன்று மதியம் 12.40 மணிக்கு திருவண்ணாமலையில் இருந்து புறப்பட்டு, பிற்பகல் 2.15 மணிக்கு விழுப்புரம் ரயில் நிலையத்தை சென்றடையும்.
நின்று செல்லும் நிலையங்கள்:
பயணிகளின் வசதிக்காக இந்த சிறப்பு ரயில் இருமார்க்கங்களிலும் பின்வரும் முக்கிய ரயில் நிலையங்களில் நின்று செல்லும் என அறிவிக்கப்பட்டுள்ளது:
வெங்கடேசபுரம்
மாம்பழப்பட்டு
ஆயந்தூர்
திருக்கோவிலூர்
ஆதிச்சனூர்
அண்டம்பள்ளம்
தண்டரை
பௌர்ணமி கிரிவலத்திற்குச் செல்லும் பக்தர்கள் மற்றும் பொதுமக்களின் நெரிசலைக் குறைத்து, பாதுகாப்பான மற்றும் சிறப்பான சேவையை வழங்கும் நோக்கில் இந்த சிறப்பு ரயில் இயக்கப்படுவதாகத் தெற்கு ரயில்வே தெரிவித்துள்ளது. இதனால் திருவண்ணாமலைக்குச் செல்லும் பக்தர்கள் மகிழ்ச்சி அடைந்துள்ளனர்.