தமிழ் திரைப்பட இயக்குநரும், பிரபல நகைச்சுவை நடிகருமான மனோபாலா (வயது 69) உடல் நலக்குறைவுக் காரணமாக, இன்று (மே 03) சென்னையில் காலமானார்.
கல்லீரல் பிரச்சனை காரணமாக, கடந்த 15 நாட்களாக சென்னையில் உள்ள வீட்டில் இருந்த படியே சிகிச்சைப் பெற்று வந்த நிலையில் மனோபாலா காலமானார்.
மனோபாலா இதுவரை 40 திரைப்படங்கள், 16 தொலைக்காட்சித் தொடர்கள், 3 தொலைக்காட்சித் திரைப்படங்களை இயக்கியுள்ளார். ஊர்க்காவலன், பிள்ளை நிலா, சிறைப்பறவை, ஆகாய கங்கை உள்ளிட்ட வெற்றி படங்களையும் இயக்கியுள்ளார்.
பல திரைப்படங்களை இயக்கியுள்ள மனோபாலா நகைச்சுவை நடிகராகவும் ஏராளமான படங்களில் நடித்துள்ளார். 100- க்கும் மேற்பட்ட திரைப்படங்களில் பல்வேறு கதாபாத்திரங்களில் மனோபாலா நடித்துள்ளார் என்பது குறிப்பிடத்தக்கது.
மனோபாலாவின் மறைவுக்கு திரையுலகினர் மற்றும் அரசியல் கட்சிகளின் தலைவர்கள் உள்ளிட்டோர் ஆழ்ந்த இரங்கலையும், அனுதாபத்தையும் தெரிவித்துள்ளனர்.