- Advertisement -
எங்கேயும் எப்போதும் படத்தின் மூலம் தமிழில் பிரபலம் அடைந்த ஷர்வானந்திற்கு பெண் குழந்தை பிறந்துள்ளது. இந்த தகவலை அவரே சமூகவலைதளத்தில் வெளியிட்டுள்ளார்.
டோலிவுட் திரையுலகில் இளம் ஹீரோவாக வலம் வரும் ஷர்வானந்த், கடந்த ஆண்டு, ஜூன் மாதம் ரக்ஷிதா ரெட்டி என்பவரை திருமணம் செய்து கொண்டார். இவர்களது திருமணம் ஜெய்ப்பூரில் உள்ள லீலா அரண்மனையில் வெகு விமரிசையாக நடைபெற்றது. இரு குடும்பத்தினர் மற்றும் நெருங்கிய நண்பர்கள் முன்னிலையில் திருமணம் நடைபெற்று முடிந்தது. சுமார் 3 நாட்கள் நடைபெற்ற இந்த திருமண விழாவில் ராம்சரண் உள்ளிட்ட ஏராளமான தெலுங்கு திரையுலக பிரபலங்கள் கலந்து கொண்டனர்.
இந்நிலையில் தன்னுடைய பிறந்தநாளை, முன்னிட்டு ரசிகர்களுக்கு இன்ப அதிர்ச்சி கொடுக்கும் விதமாக, தனக்கு பெண் குழந்தை பிறந்துள்ள தகவலை நடிகர் ஷர்வானந்த் , தனது சமூக வலைதளப் பக்கத்தில் தெரிவித்துள்ளார். தொடர்ந்து மௌனம் காத்து வந்த ஷர்வானந்த், தன்னுடைய பிறந்தநாளில் குழந்தை பிறந்த தகவலை அறிவித்து ஆச்சர்யப்படுத்தியுள்ளார். அதுமட்டுமின்றி, தங்களின் செல்ல தேவதைக்கு லீலா தேவி மைனி என்று பெயர் வைத்துள்ளதாகவும் அவர் குறிப்பிட்டுள்ளார். இதைத்தொடர்ந்து ஷர்வானந்துக்கு ரசிகர்கள் தங்களின் வாழ்த்துக்களை தெரிவித்து வருகின்றனர்.
