- Advertisement -
சினிமாவில் மீண்டும் ரீ என்ட்ரி கொடுப்பதாக அறிவித்திருந்துக்கும் நடிகை சமந்தா, தற்போது மலேசியாவில் கூலாக ஒரு சுற்றுலா சென்றிருக்கிறார். அது தொடர்பாக புகைப்படங்கள் இணையத்தில் வைரலாகி வருகின்றன.
தமிழ் சினிமா மட்டுமன்றி தெலுங்கு, இந்தி என தென்னிதிய மற்றும் இந்திய மொழிகளில் முன்னணி நடிகையாக வலம் வருபவர் நடிகை சமந்தா. அடுத்தடுத்துபல படங்களில் கமிட்டாகி பிசியாக நடித்து வந்த சமந்தாவுக்கு, அடுத்தடுத்து பல பிரச்சனைகளும் ஏற்பட்டன. இடையே அவருக்கும் அவரது காதல் கணவர் நாக சைதன்யாவுக்கும் ஏற்பட்ட பிரச்சனையால், இருவரும் பிரிந்து சென்றனர். இதிலிருந்து மீண்டு வருவதற்குள் சமந்தாவுக்கு புதிய பிரச்சனை ஏற்பட்டது.
மையோசிடிஸ் நோயால் பாதிக்கப்பட்ட சமந்தா கடுமையான பிரச்சனைகளை சந்தித்தார். அவர் வெளியிட்ட தகவல் மற்றும் புகைப்படங்கள் அவரது ரசிகர்களை கடும் அதிர்ச்சியில் ஆழ்த்தியது. இதைத் தொடர்ந்து வெளிநாடுகளில் அவர் மாறி மாறி சிகிச்சை பெற்று வந்தார். மேலும், சினிமாவில் இருந்தும் சிறிய இடைவெளி எடுத்துக் கொண்டார். ஆண்டிற்கு ஒன்று அல்லது இரண்டு படங்களில் சமந்தா நடிப்பதே அரிதாக உள்ளது.
