‘தளபதி 69’ படத்திற்காக மீண்டும் இணையும் பீஸ்ட் படக் கூட்டணி!

கோட் படத்திற்கு பிறகு விஜய் நடிப்பில் அடுத்ததாக உருவாக இருக்கும் திரைப்படம் தான் தளபதி 69. இந்த படத்தினை ஹெச். வினோத் இயக்க இருக்கிறார். கே வி என் ப்ரொடக்ஷன்ஸ் நிறுவனம் இந்த படத்தை தயாரிக்க இருக்கிறது. அனிருத் இதற்கு இசையமைக்க இருக்கிறார். விஜயின் கடைசி படம் என்பதால் படத்தின் மீதான எதிர்பார்ப்பு ஆரம்பத்திலிருந்தே அதிகமாக இருந்து வருகிறது. அதன்படி சமூக வலைதளங்களில் படம் தொடர்பாக வெளிவரும் ஒவ்வொரு அப்டேட்டுகளையும் ரசிகர்கள் வெகு விமர்சையாக கொண்டாடி வருகின்றனர். அந்த வகையில் இந்த படத்தில் விஜயுடன் இணைந்து மமிதா பைஜூ, சமந்தா, சிம்ரன் உள்ளிட்டோர் நடிக்கப் போவதாக தகவல்கள் வெளியாகி வருகிறது. ஆனால் தற்போது கிடைத்த தகவல் என்னவென்றால் இந்த படத்தில் விஜயுடன் இணைந்து பூஜா ஹெக்டே நடிக்கப் போகிறார் என்று சொல்லப்படுகிறது. இவர் ஏற்கனவே விஜயின் பீஸ்ட் திரைப்படத்தில் கதாநாயகியாக நடித்திருந்தார் என்பது குறிப்பிடத்தக்கது. அடுத்தது தளபதி 69 திரைப்படத்தின் வில்லனாக பாபி தியோல் நடிக்கப் போகிறார் என்று தற்போதைய தகவல்கள் தெரிவிக்கின்றன. இந்த படத்தின் படப்பிடிப்பு வருகின்ற அக்டோபர் 3ஆம் தேதி தொடங்க இருப்பதாகவும் இதற்கான செட் அமைக்கப்படும் பணிகள் ஆதித்யா ராம் ஃபிலிம் சிட்டியில் நடைபெற்று வருவதாக சொல்லப்படுகிறது. அதற்கு முன்னதாக அக்டோபர் 2ஆம் தேதி இந்த படத்தின் பூஜை நடைபெற இருப்பதாகவும் நம்ப தகுந்த வட்டாரங்கள் தெரிவிக்கின்றன. மேலும் இன்று (செப்டம்பர் 13) மாலை 5 மணி அளவில் தளபதி 69 படம் குறித்த அதிகாரப்பூர்வ அறிவிப்பு வெளியாக இருக்கிறது என்பது குறிப்பிடத்தக்கது.