பைசன் படத்தின் ‘தீக்கொளுத்தி’ பாடல் மேக்கிங் வீடியோ இணையத்தில் வைரலாகி வருகிறது.
சியான் விக்ரமின் மகன் துருவ் விக்ரம் நடிப்பில் தற்போது உருவாகியுள்ள திரைப்படம் தான் ‘பைசன்’. இந்த படத்தை இயக்குனர் மாரி செல்வராஜ் இயக்க நீலம் ஸ்டுடியோஸ் நிறுவனமும், அப்ளாஸ் என்டர்டெயின்மென்ட் நிறுவனமும் இணைந்து தயாரித்து இருக்கிறது. நிவாஸ் கே. பிரசன்னா இந்த படத்தின் இசையமைப்பாளராகவும், எழில் அரசு இதன் ஒளிப்பதிவாளராகவும் பணியாற்றியுள்ளனர். இந்த படத்தில் அனுபமா பரமேஸ்வரன், ரஜிஷா விஜயன், கலையரசன், பசுபதி மற்றும் பலர் நடித்துள்ளனர். ஏற்கனவே இந்த படத்தின் படப்பிடிப்புகள் முழுவதும் நிறைவடைந்து தற்போது பின்னணி வேலைகள் விறுவிறுப்பாக நடைபெற்று வருகிறது. அதன்படி இந்த படமானது 2025 தீபாவளி தினத்தை முன்னிட்டு திரைக்கு வர இருக்கிறது.
இதற்கிடையில் இந்த படத்தில் இருந்து ‘தீக்கொளுத்தி’ எனும் பாடல் வெளியாகி ரசிகர்களை வெகுவாகக் கவர்ந்தது. இந்நிலையில் இந்த பாடலின் மேக்கிங் வீடியோவை படக்குழு வெளியிட்டு இருக்கிறது. இது இணையத்தில் வைரலாகி வருகிறது.
மாரி செல்வராஜ், பரியேறும் பெருமாள், கர்ணன், மாமன்னன், வாழை என அடுத்தடுத்த வெற்றி படங்களை இயக்கி இருந்த நிலையில், அடுத்தது இவருடைய பைசன் படத்தின் மீதான எதிர்பார்ப்பு மிகப்பெரிய அளவில் இருந்து வருகிறது என்பது குறிப்பிடத்தக்கது.