சென்னை சிட்டி கேங்ஸ்டர்ஸ் படத்தின் லேட்டஸ்ட் அப்டேட் வெளியாகி உள்ளது.
தமிழ் சினிமாவில் சரோஜா, கோவா ஆகிய படங்களின் மூலம் ரசிகர்கள் மத்தியில் பிரபலமாகி, அதன் பின்னர் ஹீரோவாக அடுத்தடுத்த படங்களில் நடித்து பெயர் பெற்று வருபவர் நடிகர் வைபவ். இவரது நடிப்பில் கடைசியாக பெருசு திரைப்படம் வெளியாகி ரசிகர்கள் மத்தியில் நல்ல வரவேற்பை பெற்றது. இதை தவிர ஆலம்பனா போன்ற படங்களை கைவசம் வைத்துள்ளார். அதேசமயம் சென்னை சிட்டி கேங்ஸ்டர்ஸ் எனும் திரைப்படத்திலும் நடித்திருக்கிறார். இந்த படத்தை பிடிஜி யுனிவர்சல் நிறுவனம் தயாரிக்க விக்ரம் ராஜேஸ்வர் மற்றும் அருண் கேசவ் ஆகியோர் இணைந்து தயாரித்துள்ளனர். டிஜோ டாமி இந்த படத்திற்கு ஒளிப்பதிவு செய்ய டி. இமான் இதற்கு இசையமைத்திருக்கிறார்.
காமெடி கலந்த கதைக்களத்தில் உருவாகியுள்ள இந்த படத்தில் வைபவுடன் இணைந்து அதுல்யா ரவி, மொட்ட ராஜேந்திரன், ஆனந்தராஜ், சுனில் ரெட்டி, ரெடின் கிங்ஸ்லி ஆகியோர் முக்கிய கதாபாத்திரங்களில் நடித்திருக்கின்றனர். ஏற்கனவே இந்த படத்தின் படப்பிடிப்புகள் நிறைவடைந்த நிலையில் படமானது வருகின்ற ஜூன் 20ஆம் தேதி திரைக்கு வர தயாராகி வருகிறது. இந்நிலையில் இந்த படத்தின் டீசர் இன்று (மே 21) மாலை 5 மணி அளவில் வெளியாகும் என படக்குழு புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது.