‘D54’ படத்தின் அடுத்த கட்ட படப்பிடிப்பு குறித்த தகவல்!

‘D54’ படத்தின் அடுத்த கட்ட படப்பிடிப்பு குறித்த தகவல் வெளியாகியுள்ளது.தனுஷ் நடிப்பில் தற்போது உருவாகியுள்ள ‘இட்லி கடை’ திரைப்படம் வருகின்ற அக்டோபர் 1ஆம் தேதி உலகம் முழுவதும் திரைக்கு வர இருக்கிறது. இதற்கிடையில், ‘போர் தொழில்’ படத்தின் இயக்குனர் விக்னேஷ் ராஜா இயக்கத்தில் புதிய படம் ஒன்றில் நடித்து வருகிறார் தனுஷ். தரமான கிரைம் திரில்லர் படமாக அமைந்த ‘போர் தொழில்’ படத்திற்கு பிறகு விக்னேஷ் ராஜா இயக்கும் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி தற்காலிகமாக D54 என்று தலைப்பு வைக்கப்பட்டிருக்கும் இப்படத்தை வேல்ஸ் ஃபிலிம் இன்டர்நேஷனல் நிறுவனம் தயாரிக்க ஜி.வி. பிரகாஷ் இதற்கு இசை அமைக்கிறார். தேனி ஈஸ்வர் இதன் ஒளிப்பதிவு பணிகளை கவனிக்கிறார். இந்த படத்தில் தனுஷுடன் இணைந்து மமிதா பைஜூ, கே.எஸ். ரவிக்குமார், கருணாஸ், ஜெயராம், சுராஜ் வெஞ்சரமூடு, பிரித்வி பாண்டியராஜன் மற்றும் பலர் நடிக்கின்றனர். விறுவிறுப்பான திரைக்கதையில் எமோஷனல் திரில்லர் படமாக உருவாகும் இந்த படம் தொடர்பான அதிகாரப்பூர்வ அறிவிப்பு ஏற்கனவே வெளியாகி படப்பிடிப்புகளும் தொடங்கி விறுவிறுப்பாக நடைபெற்றது. இந்நிலையில் இதன் அடுத்த கட்ட படப்பிடிப்பு குறித்த தகவல் வெளியாகியுள்ளன. அதன்படி ராமநாதபுரத்தில் இந்த படத்தின் அடுத்த கட்ட படப்பிடிப்பை நடத்த படக்குழு திட்டமிட்டு வருவதாக தெரியவந்துள்ளது. விரைவில் மற்ற தகவல்கள் வெளியாகும் என எதிர்பார்க்கப்படுகிறது.