அஜய் ஞானமுத்து இயக்கத்தில் கடந்த 2015 இல் வெளியான படம் டிமான்ட்டி காலனி. இந்த படத்தில் அருள்நிதி, சனந்த், ரமேஷ் திலக், எம் எஸ் பாஸ்கர் மற்றும் பலர் நடித்திருந்தனர். ஹாரர் திரில்லர் கதைக்களத்தில் வெளியான இந்த படம் ரசிகர்களுடைய நல்ல வரவேற்பை பெற்று மாபெரும் வெற்றி படமாக அமைந்தது. இப்படத்தின் மாபெரும் வெற்றிக்குப் பிறகு அஜய் ஞானமுத்து,
டிமான்ட்டி காலனி 2 படத்தை தற்போது இயக்கியுள்ளார். இந்த படத்தில் அருள்நிதி கதாநாயகனாக நடிக்க பிரியா பவானி சங்கர் கதாநாயகியாக நடித்துள்ளார். மேலும் அருண் பாண்டியன், வி ஜே அர்ச்சனா மற்றும் பலர் நடித்துள்ளனர். ஞானமுத்து பட்டறை மற்றும் ஒயிட் நைட் என்டர்டெயின்மென்ட் நிறுவனம் தயாரித்துள்ள இந்த படத்திற்கு சாம் சி எஸ் இசையமைத்துள்ளார். சில மாதங்களுக்கு முன்பாக இந்த படத்தின் பர்ஸ்ட் லுக் போஸ்டரை பட குழுவினர் வெளியிட்டு கவனம் பெற்றனர். அதைத் தொடர்ந்து கடந்த சில தினங்களுக்கு முன்பாக படத்தின் டிரைலர் வெளியாகி பெரும் எதிர்பார்ப்பை ஏற்படுத்தியது. ட்ரெய்லரில் பயமுறுத்தும் காட்சிகள் பல இடம்பெற்றிருந்த நிலையில் ட்ரெய்லரானது 8 மில்லியன் பார்வைகளை கடந்து ட்ரெண்டிங் நம்பர் 1இல் இருந்து வருகிறது. மேலும் ட்ரெய்லரில் இப்படம் விரைவில் வெளியாக இருப்பதாக அறிவிக்கப்பட்டுள்ளது.
இந்நிலையில் இப்படம் எப்போது ரிலீஸ் ஆகும் இன்று ரசிகர்கள் பலரும் எதிர்பார்த்து காத்துக் கொண்டிருக்கின்றனர். அதன்படி படம் 2024 ஜனவரி 26 ல் வெளியாகும் என நம்பத் தகுந்த வட்டாரங்கள் தெரிவிக்கின்றன. எனினும் இது சம்பந்தமான அறிவிப்பை படக்குழுவினர் விரைவில் வெளியிடுவார்கள் என்று எதிர்பார்க்கப்படுகிறது.