நடிகர் தனுஷ் தமிழ் சினிமாவில் மட்டுமல்லாமல் பாலிவுட், ஹாலிவுட் வரை சென்று தான் ஒரு சிறந்த நடிகன் என்பதை நிரூபித்தவர். அந்த வகையில் இவர் தவிர்க்க முடியாத நடிகராக வலம் வருகிறார்.
சினிமாவில் முழு அர்ப்பணிப்புடன் பணியாற்றி வருகிறார். இவ்வாறு அடுத்தடுத்த படங்களில் கமிட்டாகி பிஸியான நடிகராக வலம் வரும் தனுஷ் ஏற்கனவே ப. பாண்டி எனும் திரைப்படத்தை இயக்கியிருந்தார். இந்த படம் நல்ல வரவேற்பை பெற்றதைத் தொடர்ந்து அடுத்ததாக தனது ஐம்பதாவது படத்தை தானே இயக்கி நடித்து முடித்துள்ளார். இந்த படத்துக்கு ராயன் என்று தலைப்பு வைக்கப்பட்டுள்ளது. இதனை சன் பிக்சர்ஸ் நிறுவனம் தயாரிக்க ஏ ஆர் ரகுமான் இதற்கு இசை அமைக்கிறார். இப்படத்தில் தனுஷ் தவிர எஸ்.ஜே சூர்யா, சந்தீப் கிஷன், காளிதாஸ் ஜெயராம், துஷாரா விஜயன் போன்ற பல நட்சத்திரங்கள் நடித்துள்ளனர். ஏற்கனவே இந்த படத்தின் பர்ஸ்ட் லுக் போஸ்டரும் அதைத்தொடர்ந்து முதல் இரண்டு பாடல்களும் வெளியாகி கவனம் பெற்றது. அடுத்ததாக இந்த படத்தின் இசை வெளியீட்டு விழா 2024 ஜூன் மாதத்தில் நடைபெற இருந்த நிலையில் ஒரு சில காரணங்களால் ஜூலை மாதத்தில் நடைபெறும் என்று சொல்லப்படுகிறது. 
அதே சமயம் ஏற்கனவே ஜூனில் வெளியாகும் என்று அறிவிக்கப்பட்டிருந்த இந்த படத்தின் ரிலீஸ் தேதியும் தள்ளி வைக்கப்படுவதாக சமீப காலமாக தொடர்ந்து பல தகவல்கள் சமூக வலைதளங்களில் பரவி வருகின்றன. இந்நிலையில் ராயன் படத்தின் ரிலீஸ் தேதி குறித்து அப்டேட் வெளியாகி உள்ளது. அதாவது இந்த படம் 2024 ஜூலை 26 அன்று திரையிடப்படும் என்று புதிய தகவல்கள் தெரிவிக்கின்றன. இருப்பினும் இது தொடர்பான அறிவிப்பு படக்குழுவினர் சார்பில் விரைவில் வெளியிடப்படும் என்று நம்பப்படுகிறது.