எல்ஐகே படத்திலிருந்து தீமா பாடல் வெளியாகி உள்ளது.
விக்னேஷ் சிவன் தமிழ் சினிமாவில் முன்னணி இயக்குனர்களில் ஒருவராக வலம் வருபவர். 
இவர் சிம்பு நடிப்பில் வெளியான போடா போடி என்ற படத்தின் மூலம் தமிழ் சினிமாவில் அறிமுகமாக இருந்தாலும் நானும் ரெளடிதான் என்ற திரைப்படம் தான் இவருக்கு நல்ல பெயரையும் புகழையும் பெற்று தந்தது. அதைத்தொடர்ந்து தானா சேர்ந்த கூட்டம், காத்து வாக்குல ரெண்டு காதல் ஆகிய படங்களை இயக்கியிருந்தார். அடுத்தது இவர் பிரதீப் ரங்கநாதன் நடிப்பில் எல் ஐ கே என்ற திரைப்படத்தை இயக்கியுள்ளார். இந்த படத்தில் பிரதீப் ரங்கநாதன் உடன் இணைந்து எஸ் ஜே சூர்யா, கிரித்தி ஷெட்டி, சீமான் உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். இந்த படத்தினை செவன் ஸ்கிரீன் ஸ்டுடியோ நிறுவனமும் ரெளடி பிக்சர்ஸ் நிறுவனமும் இணைந்து தயாரித்துள்ளது. அனிருத் இதற்கு இசையமைத்திருக்கிறார். இந்த படத்தின் படப்பிடிப்புகள் மலேசியா, சிங்கப்பூர் போன்ற பகுதிகளில் விறுவிறுப்பாக நடைபெற்று வந்த நிலையில் படமானது விரைவில் திரைக்கு வரும் என்று எதிர்பார்க்கப்படுகிறது.
இதற்கிடையில் இந்த படத்தின் அடுத்தடுத்த போஸ்டர்களும் வெளியாகி ரசிகர்களை வெகுவாக கவர்ந்துள்ளன. இந்நிலையில் இந்த படத்தில் இருந்து தீமா எனும் முதல் பாடல் வெளியாகியிருக்கிறது. இந்தப் பாடலின் வரிகளை விக்னேஷ் சிவன் எழுத அனிருத் பாடியுள்ளார். மெலோடி பாடலாக வெளியாகி இருக்கும் இந்த பாடல் தற்போது இணையத்தில் வைரலாகி வருகிறது.