50 கோடியை நெருங்கும் ‘கருடன்’ பட வசூல்!

கடந்த மே 31 அன்று சூரி நடிப்பில் வெளியான திரைப்படம் தான் கருடன். இந்த படத்தில் சூரியன் இணைந்து சசிகுமார், உன்னி முகுந்தன், சமுத்திரக்கனி, ஷிவதா, ரோஷினி, வடிவுக்கரசி உள்ளிட்ட பலரும் நடித்திருந்தனர். இந்த படத்தை துரை செந்தில்குமார் இயக்க லார்க் ஸ்டுடியோஸ் நிறுவனமும் வெற்றிமாறனின் கிராஸ் ரூட் நிறுவனமும் இணைந்து படத்தை தயாரித்துள்ளது.
படத்திற்கு யுவன் சங்கர் ராஜா இசை அமைத்திருந்தார். இந்த படம் வெளியான முதல் நாளில் இருந்தே பாசிட்டிவான விமர்சனங்களை பெற்று வருகிறது. கிராமத்துக் கதை களத்தில் வெளியான இந்த படம் பல்வேறு தரப்பினர் இடையே பாராட்டுகளை பெற்று வருகிறது. அதே சமயம் இந்த படத்தில் நடிகர் சூரி ஆக்சன் ஹீரோவாக நடித்து அனைவரையும் ஆச்சரியப்படுத்தி உள்ளார். அந்த வகையில் இந்த படமானது விமர்சன ரீதியாக மட்டுமல்லாமல் வசூல் ரீதியாகவும் வெற்றி நடை போடுகிறது. அதன்படி இந்த படம் தற்போது வரை உலகம் முழுவதும் 40 கோடிக்கு மேல் வசூல் செய்துள்ளதாக தகவல் வெளியாகி உள்ளது. தமிழ்நாட்டில் மட்டுமே கிட்டதட்ட 35 கோடி வரை வசூல் செய்துள்ளதாம் கருடன். எனவே இனிவரும் நாட்களில் இந்த படம் விரைவில் 50 கோடியை நெருங்கி விடும் என்று பலரும் தங்களின் கருத்துக்களை தெரிவித்து வருகின்றனர்.