- Advertisement -
இந்தியன் 2 திரைப்படத்தின் இசை வெளியீட்டு விழா குறித்த அப்டேட் வெளியாகி உள்ளது.
பிரம்மாண்ட இயக்குநர் ஷங்கர் இயக்கத்தில் கடந்த 1996-ம் ஆண்டில் திரையரங்குகளில் வெளியாகி ஏகபோக வரவேற்பை பெற்ற திரைப்படம் இந்தியன். இப்படத்தில் கமல்ஹாசன், சுஹாசினி, கவுண்டமணி, மனிஷா கொய்ராலா, செந்தில், கஸ்தூரி ஆகியோர் முக்கிய கதாபாத்திரங்களில் நடித்திருந்தனர். இத்திரைப்படம் சுமார் 50 கோடி ரூபாய் வசூல் செய்தது.
இதைத் தொடர்ந்து தற்போது 28 ஆண்டுகளுக்கு பிறகு இந்தியன் இரண்டாம் பாகம் உருவாகி உள்ளது. இத்திரைப்படத்தையும் ஷங்கர் இயக்க கமல்ஹாசன் நடித்திருக்கிறார். படத்தில் காஜல் அகர்வால், ரகுல் ப்ரீத் சிங், பிரியா பவானி சங்கர், சித்தார்த், விவேக், மனோபாலா, பாபி சிம்ஹா, எஸ்.ஜே.சூர்யா, சமுத்திரக்கனி ஆகியோர் முக்கிய கதாபாத்திரங்களில் நடித்துள்ளனர். படத்திற்கு அனிருத் இசை அமைத்துள்ளார். ரெட் ஜெயன்ட் மற்றும் லைகா ஆகிய நிறுவனங்கள் இணைந்து இத்திரைப்படத்தை தயாரித்துள்ளன.
