சூர்யாவின் கருப்பு பட ரிலீஸ் தேதி குறித்த புதிய தகவல் வெளியாகியிருக்கிறது.
சூர்யாவின் 45 வது படமாக உருவாகி வரும் திரைப்படம் தான் ‘கருப்பு’. இந்த படத்தை ஆர்.ஜே. பாலாஜி இயக்குகிறார். ட்ரீம் வாரியர் பிக்சர்ஸ் நிறுவனம் இந்த படத்தை தயாரிக்கிறது. சாய் அபியங்கர் இந்த படத்தின் இசையமைப்பாளராகவும், ஜி.கே. விஷ்ணு ஒளிப்பதிவாளராகவும் பணியாற்றுகின்றனர். இப்படத்தில் சூர்யா வழக்கறிஞராக நடித்திருக்கிறார். இவருடன் இணைந்து திரிஷா, யோகி பாபு, நட்டி நடராஜ் மற்றும் பலர் நடித்துள்ளனர். இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி கடந்த சில மாதங்களுக்கு முன்னர் இந்த படத்தில் இருந்து டீசர் வெளியாகி ரசிகர்களை உற்சாகப்படுத்தியது. இருப்பினும் இந்த படம் எப்போது திரைக்கு வரும்? என பலரும் எதிர்பார்த்து காத்துக் கொண்டிருக்கின்றனர். அதாவது ஆரம்பத்தில் இப்படம் இந்த ஆண்டு தீபாவளிக்கு திரைக்கு வரும் என சொல்லப்பட்டது.
பின்னர் இதுவரை ரிலீஸ் தேதி அறிவிக்கப்படாததால் 2026 பொங்கல் ரேஸில் இப்படம் இணையும் என எதிர்பார்க்கப்பட்டது. ஆனால் 2026 பொங்கல் தினத்தை முன்னிட்டு விஜயின் ‘ஜனநாயகன்’ மற்றும் சிவகார்த்திகேயனின் ‘பராசக்தி’ திரைப்படம் வெளியாக இருப்பதாக அறிவிக்கப்பட்டிருப்பதால் சூர்யாவின் ‘கருப்பு’ திரைப்படத்தை 2026 ஏப்ரல் 10 அல்லது 14ஆம் தேதி ரிலீஸ் செய்ய வாய்ப்புள்ளதாக நம்பத் தகுந்த வட்டாரங்கள் தெரிவிக்கின்றன. மற்ற தகவல்கள் இனிவரும் நாட்களில் வெளியாகும் என எதிர்பார்க்கப்படுகிறது.