- Advertisement -
ஜெயம் ரவி நடிப்பில் அண்மையில் வெளியான திரைப்படங்கள் அனைத்தும் தொடர் தோல்விகளை சந்திப்பதால், அவரது நடிப்பில் உருவாகும் சைரன் படத்திற்கு புதிய சிக்கல் உருவாகி இருக்கிறது.
தமிழ் திரையுலகம் கொண்டாடும் பொன்னியின் செல்வன் ஜெயம்ரவி. கோலிவுட்டில் முன்னணி நடிகராக வலம் வரும் ஜெயம்ரவி பொன்னியின் செல்வன் திரைப்படத்தில் முதன்மை வேடத்தில் நடித்திருந்தார். இத்திரைப்படம் ரசிகர்களிடையே பெரும் வரவேற்பை பெற்றது. இதைத் தொடர்ந்து அகிலன் என்ற படத்தில் நடித்தார். இத்திரைப்படம் தோல்வியைத் தழுவியது. இதைத் தொடர்ந்து அவர் நயன்தாராவுடன் சேர்ந்து நடித்த திரைப்படம் இறைவன். அஹமத் இந்த படத்தை இயக்கியிருந்தார். படத்திற்கு யுவன் சங்கர் ராஜா இசை அமைத்திருந்தார். இத்திரைப்படம் கடந்த செப்டம்பர் மாதம் திரையரங்குகளில் வெளியாகி கலவையான விமர்சனங்களை பெற்றது.
இதையடுத்து, ஜெயம்ரவி நடிப்பில் உருவாகி உள்ள திரைப்படம் சைரன். ஆண்டனி பாக்யராஜ் இந்த படத்தை இயக்கியிருக்கிறார். படத்தில் ஜெயம்ரவியுடன் கீர்த்தி சுரேஷ், அனுபமா பரமேஸ்வரன் ஆகியோர் முக்கிய கதாபாத்திரங்களில் நடித்துள்ளனர். சமுத்திரக்கனி, யோகிபாபு உள்ளிட்டோரும் சைரன் படத்தில் நடித்துள்ளனர். ஹோம் மூவி மேக்கர்ஸ் சார்பில் தயாரிப்பாளர் சுஜாதா விஜய்குமார் இப்படத்தை தயாரி்தது உள்ளார். படத்தின் முழு படப்பிடிப்பு நிறைவடைந்த நிலையில், கடந்த ஆண்டு படத்தின் டீசர் வெளியானது.
