பிரபல நடிகருடன் நடிக்க மறுத்த கீர்த்தி சுரேஷ்… இதுதான் காரணம்…

பிரபல தெலுங்கு நடிகருடன் கீர்த்தி சுரேஷ் நடிக்க மறுத்துள்ள செய்தி, இணையத்தில் வெளியாகி வைரலாகி வருகிறது.

மலையாளத்தில் வாரிசு நடிகையான கீர்த்தி சுரேஷ் தமிழில், இது என்ன மாயம் படத்தின் மூலம் அறிமுகமானார். இப்படத்தில் விக்ரம் பிரபுவுக்கு ஜோடியாக நடித்திருப்பார். இதைத் தொடர்ந்து தமிழில் ரஜினிமுருகன், ரெமோ, தொடரி, என அடுத்தடுத்து கமிட்டாகி நடிக்கத் தொடங்கினார். விஜய்யுடன் பைரவா, சூர்யாவுடன் தானா சேர்ந்த கூட்டம், விக்ரமுடன் சாமி ஸ்கொயர் என முன்னணி நடிகர்கள் அனைவருடனும் இணைந்து நடித்திருக்கிறார். தமிழ் மட்டுமன்றி தெலுங்கு மற்றும் மலையாள மொழிகளிலும் முன்னணி நடிகையாக வலம் வருகிறார் நடிகை கீர்த்தி சுரேஷ்.

தமிழில் அவரது நடிப்பில் இறுதியாக மாமன்னன் திரைப்படம் வௌியாகி வரவேற்பை பெற்றது. தற்போது கீர்த்தி சுரேஷ் பல படங்களில் கமிட்டாகி உள்ளார். ரகு தாத்தா, ரிவால்வர் ரீதா, கன்னிவெடி ஆகிய படங்களில் அவர் நடித்து வருகிறார். இது மட்டுமன்றி இந்த ஆண்டு அவர் பாலிவுட்டிலும் தடம் பதிக்கிறார். தெறி படத்தின் இந்தி ரீமேக்கான பேபி ஜான் படத்தில் கீர்த்தி சுரேஷ் நாயகியாக நடித்து வருகிறார். இப்படத்தை அட்லீ தயாரிக்கிறார்.

இந்நிலையில், தெலுங்கில் முத்தக் காட்சியில் நடிக்க வேண்டும் எனக் கூறியதால் பிரபல நடிகருடன் நடிக்க கீர்த்தி சுரேஷ் மறுத்துவிட்டார். இது தொடர்பாக விளக்கம் அளித்த கீர்த்தி, நிதினுடன் மீண்டும் இணைந்து நடிப்பதில் எனக்கு எந்த பிரச்சனையும் இல்லை, அவருடன் ஏற்கனவே ஒரு படத்தில் நடித்துள்ளேன். ஆனால், அவருடன் மீண்டும் நடிக்க வாய்ப்பு வந்தபோது, முத்தக்காட்சி இருந்தது. அதனால் தான் அப்படத்தை தவிர்த்து விட்டேன் என தெரிவித்தார்.