‘கூழாங்கல்’ பட இயக்குனரின் அடுத்த படம்…. ஹீரோ யார் தெரியுமா?

கூழாங்கல் பட இயக்குனரின் அடுத்த படம் குறித்த தகவல் வெளியாகியுள்ளது.

கடந்த 2021 ஆம் ஆண்டு பி.எஸ். வினோத் ராஜ் இயக்கத்தில் ‘கூழாங்கல்’ எனும் திரைப்படம் வெளியானது. இந்த படம் பல்வேறு சர்வதேச திரைப்பட விழாக்களில் திரையிடப்பட்டு பார்வையாளர்களை கவர்ந்தது. இதைத்தொடர்ந்து வினோத் ராஜ், சிவகார்த்திகேயன் தயாரிப்பில் ‘கொட்டுக்காளி’ எனும் திரைப்படத்தை இயக்கினார். இந்த படமும் பல்வேறு சர்வதேச திரைப்பட விழாக்களில் திரையிடப்பட்டது. அதன் பிறகு மிகுந்த எதிர்பார்ப்புகளுடன் வெளியான இந்த படம் ரசிகர்கள் மத்தியில் எதிர்மறையான விமர்சனங்களை பெற்றது. இந்நிலையில் வினோத் ராஜ் அடுத்ததாக கமர்சியல் படம் ஒன்றை இயக்க உள்ளாராம். அவருடைய அடுத்த படத்தில் நடிகர் மணிகண்டன் ஹீரோவாக நடிக்க உள்ளார் என தகவல் வெளியாகி இருக்கிறது.

‘ஜெய் பீம்’ படத்தின் மூலம் பிரபலமான மணிகண்டன் தொடர்ந்து அடுத்தடுத்த படங்களில் ஹீரோவாக நடித்து பெயர் பெற்று வருகிறார். அடுத்ததாக இவர், தேசிங்கு பெரியசாமி இயக்கத்தில் புதிய படம் ஒன்றில் நடிக்கப் போவதாக சமீபத்தில் தகவல் வெளியானது. இதற்கிடையில் இவர், இயக்குனராக மாறப்போகிறார் எனவும் சமூக வலைதளங்களில் செய்திகள் பரவி வருவது குறிப்பிடத்தக்கது. எனவே வினோத் ராஜ் இயக்கத்தில் மணிகண்டன் நடிக்கும் புதிய படமானது எப்போது தொடங்கும்? என்பது போன்ற விவரங்கள் இனிவரும் நாட்களில் வெளியாகும் என எதிர்பார்க்கப்படுகிறது.