சூர்யா 48 படத்தின் படப்பிடிப்பு குறித்த லேட்டஸ்ட் தகவல் வெளிவந்துள்ளது.
தமிழ் சினிமாவில் தற்போது தி ஒன் என்று ரசிகர்களால் கொண்டாடப்பட்டு வருபவர் நடிகர் சூர்யா. இவரது நடிப்பில் கடந்த நவம்பர் 6ஆம் தேதி தீபாவளி தினத்தை முன்னிட்டு சீன் எனும் திரைப்படம் வெளியானது. ஜித்து மாதவன் இயக்கி இருந்த இந்த படம் ரசிகர்களிடையே பெரும் வரவேற்பைப் பெற்று உலகளவில் 200 கோடி ரூபாய்க்கும் அதிகமாக வசூல் செய்து மாபெரும் சாதனை படைத்து வருகிறது. குறிப்பாக, தமிழ்நாட்டிலும் மிகப்பெரிய வசூலை வாரிக்குவித்து வரும் இப்படம், நடிகராக மட்டுமின்றி தயாரிப்பாளராகவும் சூர்யாவிற்கு நல்ல லாபகரமான திரைப்படமாக அமைந்துள்ளது. இனிவரும் நாட்களிலும் இப்படத்தின் வசூல் வேட்டை அதிகரிக்கும் என எதிர்பார்க்கப்படுகிறது.
2026-ஆம் ஆண்டில் சூர்யா நடிப்பில் வெளியான ‘கருப்பு’, ‘விஸ்வநாத் & சன்ஸ் மற்றும் ‘சீன்’ ஆகிய மூன்று திரைப்படங்களுமே பிளாக்பஸ்டர் வெற்றியைப் பெற்றுள்ளன. இந்தத் தொடர் வெற்றிகளின் மூலம், சூர்யா தமிழ் சினிமாவின் பாக்ஸ் ஆபீஸ் மன்னனாக உருவெடுத்துள்ளார். இதனைத் தொடர்ந்து, தனது அடுத்தடுத்த படங்களின் கதைக்களம் மற்றும் கதாபாத்திரத் தேர்வுகளில் மிகுந்த கவனத்துடன் செயல்பட்டு வருகிறார் சூர்யா.
அந்த வகையில், ‘ஜெய் பீம்’ படத்தின் இயக்குநர் டி.ஜே. ஞானவேல் உடன் தனது 48-வது திரைப்படமான ‘சூர்யா 48’ படத்தில் மீண்டும் இணைந்துள்ளார். இப்படத்தில் சூர்யா ஒரு மருத்துவர் கதாபாத்திரத்தில் நடிப்பதாகப் பேச்சு அடிபட்டு வருகிறது. அதுமட்டுமில்லாமல் ஆரம்பத்திலிருந்தே படத்தின் மீதான எதிர்பார்ப்பும் பெரிய அளவில் இருந்து வருகிறது. இது ஒரு பக்கம் இருக்க மற்றொரு பக்கம் இந்த படத்தின் படப்பிடிப்புகளும் ஜப்பானில் விறுவிறுப்பாக நடைபெற்று வருவதாக ஏற்கனவே தகவல் கசிந்து இருந்தது. இதன் கூடுதல் தகவல் என்னவென்றால், ஜப்பானில் நடைபெற்று வரும் இந்தப் படப்பிடிப்புத் திட்டம் வருகிற நவம்பர் 17-ஆம் தேதி நிறைவடையவுள்ளதாகத் தகவல் வெளியாகியுள்ளது. மேலும், இப்படத்தின் ஒரு பாடல் காட்சியும் ஜப்பானில் படமாக்கப்பட்டுள்ளதாகக் கூறப்படுகிறது. இனிவரும் நாட்களில் மற்ற அப்டேட்டுகள் வெளியாகும் என நம்பப்படுகிறது.
