சூர்யா 46 படத்தின் டைட்டில் குறித்த அப்டேட் வெளியாகியுள்ளது.
தமிழ் சினிமாவின் உச்ச நட்சத்திரங்களில் ஒருவராக வலம் வரும் சூர்யா தற்போது அடுத்தடுத்த படங்களில் கமிட்டாகி நடித்து வருகிறார். அந்த வகையில் கடைசியாக இவரது நடிப்பில் ரெட்ரோ திரைப்படம் வெளியானது. அதே சமயம் ‘கருப்பு’ எனும் படத்தையும் கைவசம் வைத்துள்ளார். அதை தொடர்ந்து வாத்தி, லக்கி பாஸ்கர் ஆகிய படங்களை இயக்கிய வெங்கி அட்லுரி இயக்கத்தில் தன்னுடைய 46வது திரைப்படத்தில் நடித்து வருகிறார் சூர்யா.
சூர்யா 46 என்று தற்காலிகமாக தலைப்பு வைக்கப்பட்டிருக்கும் இந்த படத்தை சித்தாரா என்டர்டெயின்மென்ட் நிறுவனம் தயாரிக்க ஜி.வி. பிரகாஷ் இதற்கு இசையமைக்கிறார். இதில் சூர்யாவுடன் இணைந்து மமிதா பைஜு, ராதிகா சரத்குமார், ரவீனா டாண்டன் ஆகியோர் முக்கிய கதாபாத்திரங்களில் நடித்து வருகின்றனர். மேலும் இப்படத்தில் பிரபல பாலிவுட் நடிகர் அனில் கபூர் இணைந்திருப்பதாகவும் சொல்லப்படுகிறது. இதன் படப்பிடிப்பு ஏற்கனவே தொடங்கி விறுவிறுப்பாக நடைபெற்று வருகிறது. 
தற்போது இந்த படத்தின் டைட்டில் குறித்த புதிய அப்டேட் கிடைத்திருக்கிறது. அதன்படி இந்த படத்திற்கு விஸ்வநாதன் அண்ட் சன்ஸ் (Vishwanathan And Sons) என்று தலைப்பு வைக்கப்பட்டிருப்பதாக தற்போதைய தகவல்கள் தெரிவிக்கின்றன. இந்த டைட்டிலின் மூலம் இந்த படம் என்ன மாதிரியான கதைக்களமாக இருக்கும்? என்ற எதிர்பார்ப்பு அதிகரித்துள்ளது. இனிவரும் நாட்களில் இது தொடர்பான மற்ற அப்டேட்டுகள் வெளியாகும் என நம்பப்படுகிறது.