மோகன்லாலின் மலைக்கோட்டை வாலிபன்… டீசர் வெளியானது…

மோகன்லால் நடிப்பில் உருவாகியிருக்கும் மலைக்கோட்டை வாலிபடன் படத்தின் டீசர் வெளியாகி உள்ளது.

மலையாள சூப்பர் ஸ்டாராகவும், லாலேட்டனாகவும் கொண்டாடப்படுபவர் மோகன்லால். இவரது நடிப்பில் அண்மையில் வெளியான திரைப்படம் ஜெயிலர். இப்படத்தில் ரஜினியுடன் முக்கிய கதாபாத்திரத்தில் அவர் நடித்திருப்பார். இதையடுத்து, ஜெயிலர் திரைப்படம் மலையாளத்தில் பெரிதளவில் கொண்டாடப்பட்டது. இதையடுத்து, லூசிபர் 2 எம்புரான் திரைப்படத்தில் அவர் நடித்து வருகிறார். பிருத்விராஜ் இந்த படத்தை இயக்கி வருகிறார். இப்படத்தின் படப்பிடிப்பு துபாய், லண்டன், கேரளா என அடுத்தடுத்து விறுவிறுப்பாக நடைபெற்று வருகிறது.

இது தவிர, வ்ருஷபா, நேரு உள்ளிட்ட படங்களில் அவர் நடித்து வருகிறார். இதற்கிடையே மலைக்கோட்டை வாலிபன் எனும் திரைப்படத்தில் நடித்து வருகிறார். இந்தப் படத்தை மலையாளத்தில் வெளியான ஜல்லிக்கட்டு, சுருளி, அங்கமாலி டைரிஸ் உள்ளிட்ட படங்களின் மூலம் கவனம் ஈர்த்த லிஜோ ஜோஸ் பெலிசெரி இயக்குகிறார். இதில் மோகன்லாலுடன் இணைந்து சோனாலி குல்கர்ணி, மணிகண்டன் ஆர் ஆச்சாரி, ஹரிஷ் பேரழி மற்றும் பலர் நடிக்கின்றனர். ஜான் அண்ட் மேரி கிரியேட்டிவ் நிறுவனம் இந்த படத்தை தயாரிக்கிறது. பிரசாந்த் பிள்ளை இதற்கு இசை அமைக்கிறார்.

இப்படத்தின் முதல் தோற்றம் சில மாதங்களுக்கு முன்பு வெளியாகி வரவேற்பை பெற்றது. ராஜஸ்தானில் இப்படத்தின் படப்பிடிப்பு நடைபெற்று முடிந்தது. இந்நிலையில், படத்தின் டீசர் தற்போது சமூக வலைதளங்களில் வெளியாகி உள்ளது. இத்திரைப்படம் அடுத்த ஆண்டு ஜனவரி மாதம் 25-ம் தேதி வெளியாகிறது.