நிவின் பாலி நடிக்கும் பேபி கேர்ள் படத்தின் பர்ஸ்ட் லுக் குறித்த அறிவிப்பு வெளியாகி உள்ளது.
மலையாளத்தில் வெளியான ‘பிரேமம்’ படத்தின் மூலம் ரசிகர்கள் மத்தியில் மிகவும் பிரபலமானவர் நிவின் பாலி. இருப்பினும் இவருடைய சில படங்கள் எதிர்பார்த்த வெற்றியை பெறவில்லை. மேலும் இவர், தமிழில் ‘ஏழு கடல் ஏழு மலை’ எனும் திரைப்படத்தில் நடித்திருக்கிறார். அடுத்தது ராகவா லாரன்ஸின் ‘பென்ஸ்’ படத்தில் வில்லனாக நடித்து வருகிறார். இதற்கிடையில் ‘டியர் ஸ்டூடண்ட்ஸ்’ எனும் படத்தையும் கைவசம் வைத்துள்ளார் நிவின் பாலி. அதுமட்டுமில்லாமல் இயக்குனர் பி. உன்னிகிருஷ்ணன் இயக்கத்தில் பிரம்மாண்ட பட்ஜெட் படத்தில் நடிக்கப் போவதாகவும் சொல்லப்படுகிறது. இந்நிலையில் நிவின் பாலி நடிக்கும் பேபி கேர்ள் படத்தின் புதிய அறிவிப்பு வெளியாகி உள்ளது. அதன்படி நாளை (செப்டம்பர் 5) காலை 10:10 மணியளவில் ‘பேபி கேர்ள்’ படத்தின் ஃபர்ஸ்ட் லுக் மற்றும் மோஷன் போஸ்டர் வெளியாகும் என அறிவிக்கப்பட்டிருக்கிறது.
இந்த படத்தில் நிவின் பாலி உடன் இணைந்து லிஜோமோல் ஜோஸ், சங்கீத் பிரதாப், அதிதி ரவி ஆகியோர் முக்கிய கதாபாத்திரங்களில் நடிக்கின்றனர். ஏற்கனவே இந்த படத்தின் படப்பிடிப்பு தொடங்கி திருவனந்தபுரம், கொச்சி போன்ற பகுதிகளில் படப்பிடிப்பு நடத்தப்பட்டது. இந்த படத்தினை அருண் வர்மா இயக்க மேஜிக் பிரேம்ஸ் நிறுவனம் படத்தை தயாரிக்கிறது என்பது குறிப்பிடத்தக்கது.