கவனம் ஈர்க்கும் ‘தங்கலான்’ படத்தின் இரண்டாவது பாடல்!

தங்கலான் படத்தின் இரண்டாவது பாடல் வெளியாகி உள்ளது.

விக்ரம் நடிப்பில் உருவாகியுள்ள திரைப்படம் தான் தங்கலான். இந்தப் படத்தை ஸ்டூடியோ கிரீன் நிறுவனம் தயாரிக்க பா ரஞ்சித் இதனை இயக்கியுள்ளார். ஜிவி பிரகாஷ் படத்திற்கு இசையமைத்திருக்கிறார். இந்த படத்தில் விக்ரம் வித்தியாசமான தோற்றத்தில் நடித்திருக்கும் நிலையில் அவருடன் இணைந்து பார்வதி, மாளவிகா மோகனன், பசுபதி உள்ளிட்ட பலரும் முக்கிய கதாபாத்திரங்களில் நடித்துள்ளனர். ஏற்கனவே இந்த படத்தின் டீசர் மற்றும் ட்ரெய்லர் வெளியாகி படத்தின் மீதான எதிர்பார்ப்பை அதிகப்படுத்தியது. எனவே ரசிகர்கள் பலரும் வருகின்ற ஆகஸ்ட் 15ஆம் தேதி சுதந்திர தினத்தை முன்னிட்டு படத்தை திரையரங்குகளில் காண மிகுந்த ஆவலுடன் காத்துக் கொண்டிருக்கின்றனர். மேலும் படகுழுவினரும் அடுத்தடுத்த போஸ்டர்களையும் அடுத்தடுத்த பாடல்களையும் வெளியிட்டு ரசிகர்களின் கவனம் ஈர்த்து வருகின்றனர். அந்த வகையில் ஏற்கனவே இந்த படத்தின் முதல் பாடல் வெளியாகி நல்ல வரவேற்பை பெற்றது.

அதைத்தொடர்ந்து தற்போது லானே தங்கலானே எனும் இரண்டாவது பாடல் வெளியாகி இணையத்தில் ரசிகர்களால் அதிகம் பகிரப்பட்டு வைரலாகி வருகிறது. இந்த பாடல் வரிகளை அறிவு எழுதி இருக்கும் நிலையில் ஜிவி பிரகாஷ் மற்றும் அறிவு ஆகிய இருவரும் இணைந்து பாடியுள்ளனர் என்பது குறிப்பிடத்தக்கது. மேலும் இந்த படத்தின் இசை வெளியீட்டு விழா வருகின்ற ஆகஸ்ட் 5ஆம் தேதி நடைபெற இருக்கிறது என்பதும் குறிப்பிடத்தக்கது.