வசந்த் ரவி நடிக்கும் இந்திரா… முதல் தோற்றம் வௌியானது…

வசந்த் ரவி நடிப்பில் உருவாகியிருக்கும் இந்திரா திரைப்படத்தின் முதல் தோற்றம் வௌியாகி உள்ளது.

தமிழ் சினிமாவில் வளர்ந்து வரும் நடிகர்களில் ஒருவர் வசந்த் ரவி. புகழ் பெற்ற நம்ம வீடு வசந்தபவன் ஹோட்டலின் உரிமையாளர் முத்து கிருஷ்ணனின் மகனான வசந்த் ரவி இங்கிலாந்தில் மருத்துவராக பணிபுரிந்து வந்தார். பின்னர் நடிப்பு மீது வந்த ஆர்வத்தால் 2017-ம் ஆண்டு இயக்குநர் ராம் இயக்கத்தி்ல வெளியான தரமணி என்ற திரைப்படத்தில் நாயகனாக நடித்திருப்பார். இப்படத்தில் ஆண்ட்ரியா நாயகியாக நடித்திருந்தார். தரமணி படத்தில் இவரது நடிப்பு பெரிதும் பாராட்டப்பட்டது. இந்த படத்தில் நடித்ததற்காக சிறந்த அறிமுக நடிகருக்கான விருதும் வசந்த் ரவிக்கு கிடைத்தது.

இதைத் தொடர்ந்து அருண் மாதேஸ்வரன் இயக்கத்தில் ராக்கி என்ற படத்தில் நடித்திருந்தார். இத்திரைப்படம் கடந்த 2021-ம் ஆண்டு திரையரங்குகளில் வெளியானது. இதுமட்டுமன்றி அஸ்வின்ஸ் என்ற படத்தில் நடித்து ரசிகர்கள் மத்தியில் தனக்கான இடத்தை பிடித்தார். இதையடுத்து அவர் ரஜினிகாந்த் நடித்த ஜெயிலர் படத்தில் அவருக்கு மகனாக நடித்திருந்தார். எதிர்மறை கதாபாத்திரத்தில் நடித்த வசந்த் ரவியின் நடிப்பு பெரிதும பாராட்டப்பட்டது.

இதைத் தொடர்ந்து வசந்த் ரவி நடித்துள்ள திரைப்படம் இந்திரா. இது அவரின் 7வது திரைப்படமாகும். திரில்லர் பின்னணியில் உருவாகியுள்ள இத்திரைப்படத்தை அறிமுக இயக்குநர் சபரிஷ் நந்தா இயக்கி உள்ளார். படத்திற்கு அஜ்மல்த்க்சீன் இசை அமைத்துள்ளார். படத்தில் சுனில், அனிகா, சுரேந்திரன் ஆகியோர் முக்கிய கதாபாத்திரங்களில் நடித்துள்ளனர்.