தளபதி என்று ரசிகர்களால் கொண்டாடப்படும் நடிகர் விஜய் நடிப்பில் உருவாகி வரும் திரைப்படம் தான் தி கோட். அதாவது தி கிரேட்டஸ்ட் ஆஃப் ஆல் டைம். 
விஜயின் 68வது படமாக உருவாகும் இந்த படத்தை வெங்கட் பிரபு இயக்குகிறார். ஏஜிஎஸ் நிறுவனம் இந்த படத்தை தயாரிக்க யுவன் சங்கர் ராஜா இதற்கு இசையமைக்கிறார். சித்தார்த்தா நுனி படத்தில் ஒளிப்பதிவு பணிகளை கவனிக்கிறார். இந்தப் படத்தில் நடிகர் விஜய் அப்பா – மகன் என இரட்டை வேடங்களில் நடிக்க அதில் அப்பா விஜய்க்கு ஜோடியாக சினேகாவும், மகன் விஜய்க்கு ஜோடியாக மீனாட்சி சௌத்ரியும் நடிக்கின்றனர். படத்தில் வில்லனாக மைக் மோகன் நடிக்கிறார். மேலும் பிரசாந்த், பிரபுதேவா, லைலா உள்ளிட்ட பல பிரபலங்கள் படத்தில் முக்கிய கதாபாத்திரங்களில் நடிக்கின்றனர். இந்த படத்தின் படப்பிடிப்பு ஏற்கனவே திருவனந்தபுரம், ரஷ்யா போன்ற பகுதிகளில் விறுவிறுப்பாக நடைபெற்று வந்த நிலையில் தற்போது படப்பிடிப்பு முழுவதும் நிறைவடைந்துள்ளதாக தகவல் கிடைத்துள்ளது.
அதே சமயம் ஏற்கனவே படப்பிடிப்பை இறுதிக்கட்டத்தை நெருங்கிய போதே படக்குழுவினர்கள் டப்பிங் பணிகளை தொடங்கினர். அதன்படி தற்போது டப்பிங் பணிகளும் முடிவடைந்ததாக சொல்லப்படுகிறது. இதற்கிடையில் படத்தின் போஸ்டர் ப்ரோடக்ஷன் பணிகள் தொடங்கி நடைபெற்று வந்த நிலையில் படமானது வருகின்ற செப்டம்பர் 5ஆம் தேதி விநாயகர் சதுர்த்தியை முன்னிட்டு உலகம் முழுவதும் வெளியாக முழு வீச்சில் தயாராகி வருகிறது. அதுமட்டுமில்லாமல் வருகின்ற ஆகஸ்ட் 19ஆம் தேதி இந்த படத்தின் டிரைலர் வெளியாகும் என்று புதிய தகவல்கள் இணையத்தில் உலா வருகின்றன. இருப்பினும் இது தொடர்பான அதிகாரப்பூர்வ அறிவிப்பு இனிவரும் நாட்களில் வெளியாகும் என்று நம்பப்படுகிறது.