டிசம்பர் இறுதிக்குள் வெளியாகும் ஃபைட் கிளப்… படப்பிடிப்பு நிறைவு….

லோகேஷ் கனகராஜ் தயாரிப்பில் உருவாகும் ஃபைட் கிளப் திரைப்படம் டிசம்பர் இறுதிக்குள் வெளியாக உள்ளது. 

தமிழ் சினிமாவில் முன்னணி இயக்குனராக வலம் வருபவர் லோகேஷ் கனகராஜ். மாநகரம் படம் மூலம் தமிழ் சினிமாவில் அறிமுகமான அவர் கைதி, மாஸ்டர், விக்ரம், லியோ என அடுத்தடுத்து மெகா ஹிட் படங்களை கொடுத்து வருகிறார். ஆரம்பம் முதலே சினிமாவின் முன்னணி நடிகர்களை வைத்து படம் இயக்கி அதில், வெற்றியும் கண்டு வருகிறார். டாப் நடிகர்களை வைத்து சினிமாட்டிக் யுனிவர்ஸ் எனும் திரை உலகத்தை தொடக்கி வைத்த பெருமையும் லோகேஷ் கனகராஜை தான் சேரும் .அடுத்ததாக இவர் ரஜினிகாந்தை வைத்து தலைவர் 171 திரைப்படத்தை இயக்க உள்ளார். இந்நிலையில் தான் லோகேஷ் கனகராஜ், தயாரிப்பு நிறுவனம் ஒன்றை தொடங்கியுள்ளதாக அறிக்கை வெளியிட்டுள்ளார்.

அத்தயாரிப்பு நிறுவனத்திற்கு G SQUAD என பெயர் வைத்துள்ளார். தனது தயாரிப்பு நிறுவனத்தின் முதல் படமாக உறியடி பட புகழ் விஜய் குமாரின் படத்தை அவர் தயாரிக்கிறார். இப்படத்தின் முதல் தோற்றம் வெளியாகி உள்ளது. படத்திற்கு ஃபைட் க்ளப் என தலைப்பு வைக்கப்பட்டுள்ளது. படத்திற்கு கோவிந்த் வசந்தா இசை அமைக்கிறார். அப்பாஸ் ரஹ்மத் இந்த படத்தை எழுதி இயக்கி உள்ளார்.

இப்படத்தின் படப்பிடிப்பு நிறைவு அடைந்து பின்னணி வேலைகள் நடைபெற்று வருகின்றன. இந்நிலையில், ஃபைட் கிளப் திரைப்படம் டிசம்பர் மாத இறுதிக்குள் வெளியாகும் என்று கூறப்படுகிறது.