நடிகர் அஜித் கடைசியாக எச்.வினோத் இயக்கத்தில் துணிவு திரைப்படத்தில் நடித்திருந்தார். 
இந்த படத்தின் வெற்றியை தொடர்ந்து அஜித்தின் 62 ஆவது படத்தை மகிழ் திருமேனி இயக்கி வருகிறார். இந்த படத்திற்கு விடாமுயற்சி என்று தலைப்பு வைக்கப்பட்டுள்ளது. இதனை லைக்கா நிறுவனம் தயாரிக்க அனிருத் இந்த படத்திற்கு இசையமைக்கிறார். மங்காத்தா படத்திற்கு பிறகு அஜித், திரிஷா, அர்ஜுன் ஆகியோரின் கூட்டணி இந்த படத்தில் இணைந்துள்ளது. மேலும் இவர்களுடன் இணைந்து ஆரவ், ரெஜினா உள்ளிட்டோரும் நடிக்கின்றனர். கடந்த சில மாதங்களுக்கு முன்பாகவே இந்த படத்தின் படப்பிடிப்பு தொடங்கப்பட்டு அஜர்பைஜானில் பரபரப்பாக நடைபெற்று வந்தது. பின்னர் ஒரு சில காரணங்களால் படப்பிடிப்பை தற்காலிகமாக நிறுத்தி வைக்கப்பட்டிருந்தது. இதற்கிடையில் அஜித், குட் பேட் அக்லி படத்தில் இணைந்த நிலையில் இதன் முதற்கட்ட படப்பிடிப்புகளும் நிறைவடைந்தன.
இது ஒரு பக்கம் இருக்க விடாமுயற்சி திரைப்படம் எப்போது முடிவடையும் என்றும் படம் தொடர்பான அப்டேட்டுக்காகவும் ரசிகர்கள் பலரும் எதிர்பார்த்து காத்துக் கொண்டிருக்கின்றனர். அதன்படி இந்த ஜூன் மாதம் இறுதியில் மீண்டும் அஜர்பைஜானில் விடாமுயற்சியின் இறுதி கட்ட படப்பிடிப்பு நடைபெறும் என்று சொல்லப்படுகிறது. அதைத் தொடர்ந்து ஜூலை மாதத்தில் விடாமுயற்சி பர்ஸ்ட் லுக் வெளியாக வாய்ப்புள்ளதாகவும் தற்போதைய தகவல்கள் தெரிவிக்கின்றன. இருப்பினும் இது தொடர்பான அறிவிப்பு வெளியாகும் வரை பொறுத்து இருந்து தான் பார்க்க வேண்டும்.