மீண்டும் ஹீரோவாக களமிறங்கும் யோகி பாபு…நேரடியாக ஓடிடி தளத்தில் வெளியீடு…

நடிகர் யோகி பாபு ஹீராவாக நடிக்கும் புதிய திரைப்படம் நேரடியாக ஓடிடி தளத்தில் வெளியாக உள்ளது. படப்பிடிப்பும் பூஜையுடன் தொடங்கி இருக்கிறது. 

திரை உலகில் நகைச்சுவை நடிகராக பிரபலமான யோகி பாபு தற்போது ரஜினி, ஷாருக்கான், விஜய் சேதுபதி, சிவகார்த்திகேயன் உள்ளிட்ட ஸ்டார் நடிகர்களுடன் இணைந்து நடித்து வருகிறார். மேலும் மண்டேலா மற்றும் தர்மபிரபு உள்ளிட்ட படங்களுக்கு பிறகு கதாநாயகனாகவும் பல படங்களில் தன் நடிப்பு திறமையை வெளிக்காட்டி வருகிறார். அந்த வகையில் இவர் தூக்குதுரை, பூமர் அங்கிள், மிஸ்மேகி உள்ளிட்ட பல படங்களை கைவசம் வைத்துள்ளார்.

முதல் முறையாக ஓடிடி தளத்திற்கு என்று உருவாகும் புதிய படத்தில் யோகி பாபு நடிக்கிறார். ஒரு கிடாயமின் கருணை மனு படத்தின் மூலம் புகழ்பெற்ற சுரேஷ் சங்கையா இத்திரைப்படத்தை இயக்குகிறார். படத்தில் யோகி பாபு ஜோடியாக, நடிகை விஜி சந்திரசேகரின் மகள் லவ்லின் நடிக்கிறார். இவர் ஏற்கனவே, ஹவுஸ் ஓனர், அயலி ஆகிய தொடர்களில் நடித்து புகழ்பெற்றவர்.

ஒரு வேடிக்கையான ரோலர் கோஸ்டராக சமூக நல செய்தியுடன் இத்திரைப்படம் உருவாகிறது என இயக்குநர் சங்கையா தெரிவித்துள்ளார். மேலும், இத்திரைப்படம் நேரடியாக ஓடிடி தளத்தில் வௌியாக உள்ளது. இப்படத்தின் படப்பிடிப்பு பூஜையுடன் தற்போது தொடங்கி உள்ளது. இதனால், ரசிகர்கள் ஆர்வமாக உள்ளனர். இதுதவிர நடிகர் யோகி பாபு பல படங்களில் கமிட்டாகி நடித்து வருகிறார்.