அதிமுக கூட்டணியல் புதிய நீதி கட்சியின் சார்பிபல் மதுரை மத்திய தொகுதியில் இயக்குநர் சுந்தர் சி போட்டியிடுவதாக அக்கட்சியின் தலைவர் ஏ.சி.சண்முகம் அறிவித்துள்ளாா்.
தமிழக சட்டமன்றத் தேர்தல் களம் சூடுபிடித்துள்ள நிலையில், மதுரை மத்திய தொகுதியில் அதிமுக தலைமையிலான கூட்டணியில் ஒரு முக்கிய திருப்பம் ஏற்பட்டுள்ளது. இத்தொகுதியில் புதிய நீதி கட்சி சார்பில் பிரபல திரைப்பட இயக்குநரும் நடிகருமான சுந்தர்.சி போட்டியிடுவார் என அதிகாரப்பூர்வமாக அறிவிக்கப்பட்டுள்ளது.
இரட்டை இலை சின்னத்தில் போட்டி
புதிய நீதி கட்சியின் தலைவர் ஏ.சி. சண்முகம் அவர்களின் வழிகாட்டுதலின்படி, இக்கூட்டணியின் உடன்பாட்டின் அடிப்படையில் சுந்தர்.சி ‘இரட்டை இலை’ சின்னத்திலேயே போட்டியிடுகிறார். மதுரையின் மிக முக்கியமான தொகுதிகளில் ஒன்றான மதுரை மத்திய தொகுதியில் நட்சத்திர வேட்பாளர் களம் இறக்கப்படுவது அரசியல் வட்டாரத்தில் பெரும் பரபரப்பை ஏற்படுத்தியுள்ளது.
வெற்றி வாய்ப்பு எப்படி?
திரைத்துறையில் தனக்கென தனி ரசிகர் பட்டாளத்தை வைத்துள்ள சுந்தர்.சி, தற்போது அரசியல் களத்திலும் தனது அதிர்ஷ்டத்தை பரிசோதிக்க உள்ளார். அதிமுகவின் கோட்டையாக கருதப்படும் மதுரையில், இரட்டை இலை சின்னம் அவருக்கு கூடுதல் பலமாக அமையும் என அக்கட்சியினர் நம்புகின்றனர்.
மதுரை மத்திய தொகுதியில் நிலவும் கடும் போட்டிக்கு இடையே, சுந்தர்.சியின் வருகை தேர்தல் முடிவுகளில் எத்தகைய தாக்கத்தை ஏற்படுத்தும் என்பதை பொறுத்திருந்துதான் பார்க்க வேண்டும்.
தவெகவுடன் கூட்டணிக்கு வாய்ப்பு இருக்கா?கிருஷ்ணசாமி சொன்ன “சஸ்பென்ஸ்” பதில்