பீகார் மற்றும் உத்தரபிரதேச மாநிலங்களில் பெய்து வரும் கனமழை மற்றும் கங்கை ஆற்றில் ஏற்பட்டுள்ள கடுமையான வெள்ளப்பெருக்கு காரணமாக லட்சக்கணக்கான மக்களின் இயல்பு வாழ்க்கை முடங்கியுள்ளது.
பீகாரில் 27 லட்சம் பேர் பாதிப்பு: பீகாரின் அண்டை நாடான நேபாளத்திலும், பீகாரிலும் தொடர்ந்து பெய்து வரும் கனமழையால் கங்கை உள்ளிட்ட முக்கிய நதிகளில் வெள்ளம் பெருக்கெடுத்து ஓடுகிறது. தலைநகர் பாட்னாவில் உள்ள காந்தி காட் பகுதியில் கங்கை ஆற்றின் நீர்மட்டம் அபாய அளவை விட 1.57 மீட்டர் உயர்ந்து 50.41 மீட்டராக பதிவாகியுள்ளது.
வெள்ளத்தால் 13 கிராமங்கள் நீரில் மூழ்கி 27 லட்சம் மக்கள் கடுமையாகப் பாதிக்கப்பட்டுள்ளனர்.
நிவாரணம் மற்றும் மீட்புப் பணிகளுக்காக 1,429 படகுகள் இயக்கப்பட்டு வருகின்றன.
பாதிக்கப்பட்ட மக்களுக்கு உணவளிக்க பல்வேறு மாவட்டங்களில் 190 சமுதாய சமையல் கூடங்கள் அமைக்கப்பட்டு இயங்கி வருகின்றன.
உத்தரபிரதேசத்தில் வீடுகளைச் சூழ்ந்த வெள்ளநீர்: உத்தரபிரதேசத்திலும் தொடர் கனமழை காரணமாகப் பல்வேறு பகுதிகள் வெள்ளத்தில் மூழ்கியுள்ளன. கான்பூரில் உள்ள பாண்டு நதியில் ஏற்பட்ட வெள்ளப்பெருக்கால் கரையோரப் பகுதிகளுக்குள் நீர் புகுந்து போக்குவரத்து முற்றிலும் முடங்கியுள்ளது.
தெருக்களில் 5 முதல் 7 அடி வரையிலும், வீடுகள் 6 அடி வரையிலும் நீரில் மூழ்கியுள்ளன.
1,000-க்கும் மேற்பட்ட வீடுகளை வெள்ளம் சூழ்ந்துள்ளதால், 40,000-க்கும் மேற்பட்ட மக்கள் பாதிக்கப்பட்டுள்ளனர்.
பாதிக்கப்பட்ட குடும்பங்கள் பாதுகாப்பான இடங்களுக்குத் தொடர்ச்சியாக அப்புறப்படுத்தப்பட்டு வருகின்றனர்.
அரசுத் தேர்வு வினாத்தாள் கசிவு: மராட்டியத்தில் கொதித்தெழுந்த இளைஞர்கள்; புனேவில் பிரம்மாண்ட பேரணி!