நகங்களை ஆரோக்கியமாக பராமரிக்க பின்வரும் முறைகளை பின்பற்றி பயன்பெறுங்கள்.
1. எலுமிச்சையை சிறு சிறு துண்டுகளாக நறுக்கி, விரல் நகங்களில் தேய்த்து 20 நிமிடங்கள் மசாஜ் செய்ய வேண்டும். இவ்வாறு செய்வதினால் நகங்கள் ஆரோக்கியமாக வளரும்.
2. எலுமிச்சம் பழத் தோலை பயன்படுத்தி நகைங்களை சுத்தம் செய்து வருவதனால் நகங்கள் பளபளப்பாக இருக்கும்.
3. உடைந்து போன அல்லது அழுகிப்போன நகங்களை சரி செய்ய குங்குமப்பூ மற்றும் வெண்ணெய் கலந்த கலவையினை நகங்களில் தேய்த்து வர நல்ல பலன் கிடைக்கும்.
4. நகங்கள் மினுமினுப்பாக இருப்பதற்கு பாதாம் எண்ணெயுடன் சிறிது கடலை மாவு சேர்த்து, அதனை நகங்களில் தடவி வர வித்தியாசத்தை காணலாம்.
5. நகங்களில் கிருமிகள் படியாமல் பாதுகாக்க புதினா, துளசி,வேப்ப இலை ஆகிய மூன்றையும் இளஞ்சூடான தண்ணீரில் போட்டு, விரல் நகங்கள் மூழ்கும் அளவுக்கு 15 நிமிடங்கள் வைத்திருந்தால் கிருமிகள் அழிந்து நகங்கள் சுத்தமாகும்.
6. நகங்களை வெட்டுவதற்கு ஐந்து நிமிடத்திற்கு முன்னால் சிறிது எண்ணெயை தடவி ஊற வைக்க வேண்டும். அதன்பின் நகங்களை வெட்டினால் விரும்பிய வடிவத்திலும் அழகாகவும் வெட்டலாம்.
இம்முறைகளை ஒரு முறை பயன்படுத்தி பார்த்துவிட்டு எந்தவித ஒவ்வாமையும் ஏற்படவில்லை என்றால் தேவைப்படும் சமயங்களில் பயன்படுத்தலாம்.