தமிழக அரசியலில் சூடுபிடிக்கும் இடைத்தேர்தல்: வியூகங்களுக்கு முட்டுக்கட்டை போடும் சட்டப் போராட்டங்கள்!

தமிழக அரசியல் களத்தில் தற்போது இடைத்தேர்தல் குறித்த விவாதங்களும், சட்டமன்ற உறுப்பினர்களின் ராஜினாமா விவகாரங்களும் பெரும் பரபரப்பை ஏற்படுத்தியுள்ளன. இதுதொடர்பாக மூத்த பத்திரிகையாளர் இதையா அரசியல் கட்சிகளின் தந்திரங்கள் மற்றும் நீதிமன்ற வழக்குகள் குறித்த பல சுவாரஸ்யமான தகவல்களைப் பகிர்ந்து கொண்டுள்ளார்.

​ராஜினாமாவா? தகுதி நீக்கமா? – தொடரும் சட்டச் சிக்கல்
​முன்னாள் அமைச்சர் இசக்கி சுப்பையா தனது எம்.எல்.ஏ. பதவியை ராஜினாமா செய்ததாகக் கூறப்பட்டாலும், தேர்தல் ஆணையம் மற்றும் அரசிதழில் (Gazette) அது ஏற்கப்பட்டு காலி இடமாக அறிவிக்கப்பட்டுவிட்டது. இருப்பினும், எதிர்க்கட்சிகள் தரப்பில் இவரது ராஜினாமாவை ஏற்பதை விட, இவரைத் தகுதி நீக்கம் (Disqualification) செய்ய வேண்டும் என்பதே பிரதான கோரிக்கையாக வைக்கப்பட்டுள்ளது. இதற்கிடையில், “என்னை எம்.எல்.ஏ.வாகவே அறிவிக்க வேண்டும்” என்று நீதிமன்றத்தை நாடியுள்ள இசக்கி சுப்பையாவின் நகர்வு, அரசியல் ரீதியில் பல்வேறு கேள்விகளை எழுப்பியுள்ளது.

​இடைத்தேர்தலைத் தள்ளிவைக்கும் வியூகங்கள்
​தற்போது பல தொகுதிகளில் இடைத்தேர்தல் அறிவிக்கப்படாமல் காலம் தாழ்த்தப்படுவதற்கான முக்கியக் காரணம், நீதிமன்றங்களில் நிலுவையில் உள்ள வழக்குகள்தான். இனிகோ பிராட்ராஜ் உள்ளிட்டோர் தங்களை வெற்றி பெற்ற வேட்பாளர்களாக அறிவிக்கக் கோரி வழக்குத் தொடர்ந்துள்ளனர்.

​எதிர்க்கட்சிகளின் கணக்கு: இப்போதைய ஆட்சிக்காலத்தில் மின் கட்டணம் உயர்வு, சொத்து வரி உயர்வு, சட்டம்-ஒழுங்கு பிரச்சினைகள் மற்றும் பெண்களுக்கு எதிரான குற்றங்கள் போன்ற பல்வேறு குறைகளை மக்கள் மத்தியில் கொண்டு சேர்த்து, ஆறு மாதங்கள் கழித்து தேர்தலைச் சந்தித்தால் தங்களுக்குச் சாதகமாக இருக்கும் என்று அதிமுக மற்றும் திமுக போன்ற பிரதான கட்சிகள் கருதுவதாகத் தெரிகிறது.

​தமிழக வெற்றிக் கழகத்தின் (TVK) நிலைப்பாடு: தவெக தரப்பில் உடனடியாகத் தேர்தல் நடத்தப்பட வேண்டும் என்று வாதிடப்பட்டாலும், மறுபுறம் தேர்தல் தோல்வி குறித்த அச்சம் காரணமாகவும், அமைச்சர் பொறுப்புகள் மூலம் மாவட்டங்களைப் பார்த்துக் கொள்ளலாம் என்ற நிலைப்பாட்டிலும் இருப்பதாகப் பேசப்படுகிறது.

​கூட்டணி கணக்குகளும் எதிர்கால அரசியல் மாற்றங்களும்
​தமிழக அரசியலில் நிரந்தர நண்பர்களும் இல்லை, எதிரிகளும் இல்லை என்ற அடிப்படையில் கட்சிகள் மாறி மாறிக் கூட்டணி அமைப்பது வாடிக்கையாகிவிட்டது. காங்கிரஸ் கட்சியைத் கழட்டிவிட்டு எதிர்காலத்தில் புதிய கூட்டணிகள் உருவாக வாய்ப்புள்ளதா என்ற கேள்வி எழுந்துள்ளது. குறிப்பாக, தவெக சிறுபான்மையினர் வாக்குகளை முழுமையாக நம்புவதால் பாஜகவுடன் கூட்டணி சேருவதற்கான சாத்தியக்கூறுகள் மிகவும் குறைவு என்றும், மாறாக வேறு அரசியல் நகர்வுகள் நடக்கலாம் என்றும் ஆய்வாளர்கள் கருதுகின்றனர். மேலும், ​அரசியல் களத்தில் ஆட்சியைப் பிடிப்பதற்கான பகடைக்காயлகளும், சட்டப் போராட்டங்களும் தொடரும் நிலையில், வரவிருக்கும் இடைத்தேர்தல்கள் தமிழக அரசியலில் மிகப்பெரிய திருப்புமுனையாக அமையும் என்பதில் ஐயமில்லை என மூத்த பத்திரிகையாளர் இதையா தெரிவித்துள்ளாா்.

சட்டப்பேரவையில் கீழ்வேளூர் எம்.எல்.ஏ லதா பேச்சு: “கற்பழிப்பு என்ற வார்த்தைக்குப் பதில் பாலியல் வன்முறை என்ற வார்த்தையைப் பயன்படுத்த வேண்டும்!”