தங்கம் விலை அதிரடி உயர்வு
சென்னையில் ஆபரண தங்கம் விலை சவரனுக்கு ரூ.440 உயர்ந்து ரூ.45,440-க்கும் விற்பனை செய்யப்படுகிறது.
தங்கத்தின் தேவை குறைந்தது
அதிக விலை காரணமாக கடந்த ஜனவரி மாதம் முதல் மார்ச் மாதம் வரை இந்தியாவின் தங்கத்தின் தேவை 17 சதவீதமாக குறைந்துள்ளதாக உலக தங்க கவுன்சில் அறிவித்துள்ளது. 2022 ஆம் ஆண்டின் இதே காலாண்டில் ஒட்டுமொத்தமாக தங்கத்தின் தேவை 135.5 டன்களாக இருந்தது. இந்த அளவு தற்போது 17 சதவீதம் குறைந்து 112.5 டன்களாக உள்ளது. விலை சரிவை எதிர்பார்த்து பல்வேறு தரப்பினரும் தங்கத்தில் முதலீடு செய்வதை ஒத்திவைத்ததால் தேவையில் சரிவு ஏற்பட்டுள்ளது.
இன்றைய தங்கம் விலை
இந்நிலையில் இன்றைய நிலவரப்படி, சென்னையில் ஒரு சவரன் ஆபரணத் தங்கம் ரூ.440 உயர்ந்து ரூ.45,440- க்கு விற்பனை செய்யப்படுகிறது. கிராமுக்கு ரூ.55 அதிகரித்து ரூ. 5,680- க்கு விற்பனையாகிறது. சென்னையில் வெள்ளியின் விலை ஒரு கிராமுக்கு ரூ.1 அதிகரித்து ரூ.79-க்கு விற்பனை செய்யப்படுகிறது. மேலும் ஒரு கிலோ வெள்ளி 1,000 ரூபாய் அதிகரித்து ரூ. 78,000 க்கும் விற்பனை செய்யப்படுகிறது.