கவின் ஆணவக் கொலை வழக்கில் இருந்து சுர்ஜித்தின் பெற்றோரை விடுவித்த உத்தரவை எதிர்த்து தமிழக அரசு தாக்கல் செய்த மேல்முறையீட்டு மனுவை உச்சநீதிமன்றம் தள்ளுபடி செய்துள்ளது.
மேலும், இந்த வழக்கு விசாரணை கையாளப்பட்ட விதம் குறித்து அதிருப்தி தெரிவித்துள்ள உச்சநீதிமன்றம், “ஒரு குற்றவியல் வழக்கை எவ்வாறு கையாளக் கூடாதோ, அவ்வாறு கவின் வழக்கு கையாளப்பட்டுள்ளது” எனக் கருத்து தெரிவித்துள்ளது.
கடந்த செப்டம்பர் 29-ஆம் தேதி, சுர்ஜித்தின் பெற்றோருக்கு எதிரான குற்றப்பத்திரிகையை ரத்து செய்து சென்னை உயர்நீதிமன்ற மதுரைக் கிளை உத்தரவிட்டிருந்தது.
இந்த உத்தரவை எதிர்த்து தமிழக அரசு உச்சநீதிமன்றத்தில் மேல்முறையீடு செய்திருந்தது. இந்த மனுவை விசாரித்த உச்சநீதிமன்றம், தமிழக அரசின் மேல்முறையீட்டைத் தள்ளுபடி செய்து உத்தரவிட்டுள்ளது.
இதன் மூலம், கவின் ஆணவக் கொலை வழக்கில் சுர்ஜித்தின் பெற்றோருக்கு எதிரான குற்றப்பத்திரிகையை ரத்து செய்த உயர்நீதிமன்ற மதுரைக் கிளையின் உத்தரவு தொடர்கிறது.