விவசாயிகளின் பயிர்க்கடன் தள்ளுபடி தொடர்பாக தமிழக அரசு இதுவரை எந்த அறிவிப்பும் வெளியிடாதது ஏன் என எதிர்க்கட்சித் தலைவர் உதயநிதி ஸ்டாலின் கேள்வி எழுப்பியுள்ளார்.
இதுதொடர்பாக அவர் வெளியிட்டுள்ள கருத்தில், பயிர்க்கடன் முழுவதையும் தள்ளுபடி செய்வதாக வாக்குறுதி அளித்தவர்கள், ஆட்சிக்கு வந்த பிறகு சொற்ப தொகையை மட்டுமே தள்ளுபடி செய்வதாக அறிவித்ததாக விமர்சித்துள்ளார்.
மேலும், பயிர்க்கடன் தள்ளுபடி கோரி விவசாயிகள் போராட்டத்தில் ஈடுபட்டபோது, இடைத்தேர்தல் முடிந்த பிறகு பேச்சுவார்த்தைக்கு அழைப்பதாக அமைச்சர்கள் தெரிவித்ததாகக் குறிப்பிட்டுள்ளார்.
ஆனால், இடைத்தேர்தல் முடிந்து ஒரு மாதம் நெருங்கியும் இதுவரை விவசாயிகளின் பயிர்க்கடன் தள்ளுபடி தொடர்பாக அரசு எந்த நடவடிக்கையும் அறிவிக்கவில்லை என அவர் குற்றம்சாட்டியுள்ளார்.
விவசாயிகளுக்கு அளித்த வாக்குறுதியை நிறைவேற்றாமல் அரசு மௌனம் காப்பது ஏன் என்றும், பயிர்க்கடன் தள்ளுபடி விவகாரத்தில் அரசு தனது நிலைப்பாட்டைத் தெளிவுபடுத்த வேண்டும் என்றும் உதயநிதி ஸ்டாலின் வலியுறுத்தியுள்ளார்.