தமிழக முதலமைச்சர் விஜய் அவர்களை, உலகப் புகழ்பெற்ற ஜெர்மனி கார் தயாரிப்பு நிறுவனமான BMW-வின் மேலாண் இயக்குனர் (MD) இன்று தலைமைச் செயலகத்தில் நேரில் சந்தித்துப் பேசினார். தமிழகத்தில் தொழில் முதலீடுகளை ஈர்ப்பது மற்றும் புதிய உற்பத்தி ஆலைகளை அமைப்பது குறித்து இந்தச் சந்திப்பில் விரிவாக ஆலோசிக்கப்பட்டதாகத் தகவல்கள் வெளியாகியுள்ளன.
இந்த உயர்மட்டச் சந்திப்பின் போது, தமிழகத்தில் நிலவி வரும் சாதகமான தொழில் சூழல் மற்றும் உள்கட்டமைப்பு வசதிகள் குறித்து முதலமைச்சர் விஜய் எடுத்துரைத்தார்.
தமிழகத்தில் ஏற்கனவே உள்ள ஆலைகளைத் தாண்டி, அடுத்தகட்டமாக மின்சார வாகன (EV) தயாரிப்பு மற்றும் அதிநவீன தொழில்நுட்பப் பிரிவுகளில் BMW நிறுவனம் கூடுதல் முதலீடுகளைச் செய்ய வேண்டும் என முதலமைச்சர் கோரிக்கை விடுத்தார். இந்த புதிய திட்டங்களின் மூலம் தமிழக இளைஞர்களுக்குப் பெருமளவில் வேலைவாய்ப்புகள் உருவாக்கப்படும் என எதிர்பார்க்கப்படுகிறது.
தமிழகத்தில் முதலீடு செய்யும் நிறுவனங்களுக்கு அரசுத் தரப்பில் தேவையான அனைத்து அனுமதிகளும் ஒற்றைச் சாளர (Single Window) முறையில் விரைவாக வழங்கப்படும் என முதலமைச்சர் உறுதியளித்தார்.
சந்திப்பிற்குப் பின் செய்தியாளர்களிடம் பேசிய BMW நிறுவனத்தின் மேலாண் இயக்குனர்: “தமிழக முதலமைச்சருடனான இந்தச் சந்திப்பு மிகவும் பயனுள்ளதாக அமைந்தது. தமிழக அரசின் தொலைநோக்குப் பார்வையும், தொழில் நிறுவனங்களுக்கு அவர்கள் அளிக்கும் ஊக்கமும் பாராட்டுக்குரியது. தமிழகத்தில் எங்களது எதிர்காலத் திட்டங்களை விரிவாக்கம் செய்வதற்கான சாதகமான சூழல் நிலவுகிறது.” என்று குறிப்பிட்டார்.
இந்தச் சந்திப்பின் போது தொழில்துறை அமைச்சர்கள் மற்றும் அரசு உயர் அதிகாரிகள் உடனிருந்தனர்.
தமிழக மகளிருக்கு ஜாக்பாட்! தவெகவின் ₹2,500 உதவித்தொகை திட்டம்: கணக்கெடுப்பு பணிகள் அதிரடி தொடக்கம்!